Pangungkapon Bindu 9 ᯇᯝᯮᯰᯄ᯦ᯇᯬᯉ᯲ ᯅᯪᯉ᯲ᯑᯮ ᯘᯪᯀ
Sarune na palimahon dohot 1-12. ᯘᯒᯮᯉᯩ ᯉ ᯇᯞᯪᯔᯂᯬᯉ᯲ ᯑᯬᯂᯬᯖ᯲ ᯘᯑ - ᯘᯔ᯲ᯇᯮᯞᯮ ᯑᯮᯀ
I. 1 Dung i dipalu surusuruan na palimahon ma sarunena. Gabe huida ma bintang sada madabu sian langit tu tano i, jadi dilehon ma tu ibana anak hinsu ni ruang parbanua toru. ᯑᯮᯰ ᯤ ᯑᯪᯇᯞᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯞᯪᯔᯂᯬᯉ᯲ ᯔ ᯘᯒᯮᯉᯩᯉ. ᯎᯅᯩ ᯂᯮᯤᯑ ᯔ ᯅᯪᯉ᯲ᯖᯰ ᯘᯑ ᯔᯑᯅᯮ ᯘᯪᯀᯉ᯲ ᯞᯝᯪᯖ᯲ ᯖᯮ ᯖᯉᯬ ᯤ, ᯐᯑᯪ ᯑᯪᯞᯩᯂᯬᯉ᯲ ᯔ ᯖᯮ ᯤᯅᯉ ᯀᯉᯄ᯦᯲ ᯂᯪᯉ᯲ᯘᯮ ᯉᯪ ᯇᯒ᯲ᯅᯉᯮᯀ ᯖᯬᯒᯮ
2 Gabe diungkap ma ruang parbanua toru i, jadi manaek ma timus sian ruang i songon timus ni pamurunan na balga, gabe mangkolom ma mata ni ari ro di parlangitan, dibahen timus na sian ruang i. ᯎᯅᯩ ᯑᯪᯀᯮᯰᯄ᯦ᯇ᯲ ᯔ ᯒᯮᯀᯰ ᯇᯒ᯲ᯅᯉᯮᯀ ᯖᯬᯒᯮ ᯤ, ᯐᯑᯪ ᯔᯉᯀᯩᯄ᯦᯲ ᯔ ᯖᯪᯔᯮᯘ᯲ ᯘᯪᯀᯉ᯲ ᯒᯮᯀᯰ ᯤ ᯘᯬᯝᯬᯉ᯲ ᯖᯪᯔᯮᯘ᯲ ᯉᯪ ᯇᯔᯮᯒᯮᯉᯉ᯲ ᯉ ᯅᯞ᯲ᯎ, ᯎᯅᯩ ᯔᯰᯄ᯦ᯬᯞᯬᯔ᯲ ᯔ ᯔᯖ ᯉᯪ ᯀᯒᯪ ᯒᯬ ᯑᯪ ᯇᯒ᯲ᯞᯝᯪᯖᯉ᯲, ᯑᯪᯅᯂᯩᯉ᯲ ᯖᯪᯔᯮᯘ᯲ ᯉ ᯘᯪᯀᯉ᯲ ᯒᯮᯀᯰ ᯤ
3 Jadi marruaran ma angka sihapor sian timus i tu tano i, dung i dilehon ma tu nasida huaso songon huaso ni hala di tano on. ᯐᯑᯪ ᯔᯒ᯲ᯒᯮᯀᯒᯉ᯲ ᯔ ᯀᯰᯄ᯦ ᯘᯪᯂᯇᯒᯬ᯲ ᯘᯪᯀᯉ᯲ ᯖᯪᯔᯮᯘ᯲ ᯤ ᯖᯮ ᯖᯉᯬ ᯤ, ᯑᯮᯰ ᯤ ᯑᯪᯞᯩᯂᯬᯉ᯲ ᯔ ᯖᯮ ᯉᯘᯪᯑ ᯂᯮᯀᯘᯬ ᯘᯬᯝᯬᯉ᯲ ᯂᯮᯀᯘᯬ ᯉᯪ ᯂᯞ ᯑᯪ ᯖᯉᯬ ᯀᯬᯉ᯲
4 Jadi dipaksa ma nasida, unang disegai duhutduhut ni tano i, manang angka na rata, manang agia sada hau, ia so holan jolma, angka na so marsahap di pardompahanna sian Debata. ᯐᯑᯪ ᯑᯪᯇᯄ᯦᯲ᯘ ᯔ ᯉᯘᯪᯑ, ᯥᯉᯰ ᯑᯪᯘᯩᯎᯤ ᯑᯮᯂᯮᯖ᯲ᯑᯮᯂᯮᯖ᯲ ᯉᯪ ᯖᯉᯬ ᯤ, ᯔᯉᯰ ᯀᯰᯄ᯦ ᯉ ᯒᯖ, ᯔᯉᯰ ᯀᯎᯪᯀ ᯘᯑ ᯂᯥ ᯤᯀ ᯘᯬ ᯂᯬᯞᯉ᯲ ᯐᯬᯞ᯲ᯔ, ᯀᯰᯄ᯦ ᯉ ᯘᯬ ᯔᯒ᯲ᯘᯂᯇ᯲ ᯑᯪ ᯇᯒ᯲ᯑᯬᯔ᯲ᯇᯂᯉ᯲ᯉ ᯘᯪᯀᯉ᯲ ᯑᯩᯅᯖ
5 Dipaksa do nasida, unang mamusa; sipaporsukporsuhonna do jolma i lima bulan lelengna. Ia porsukna suman tu pangonai ni hala, jumpa didoit jolma. ᯑᯪᯇᯄ᯦᯲ᯘ ᯑᯬ ᯉᯘᯪᯑ, ᯥᯉᯰ ᯔᯔᯮᯘ : ᯘᯪᯇᯇᯬᯒ᯲ᯘᯮᯄ᯦᯲ᯇᯬᯒ᯲ᯘᯮᯂᯬᯉ᯲ᯉ ᯑᯬ ᯐᯬᯞ᯲ᯔ ᯤ ᯞᯪᯔ ᯅᯮᯞᯉ᯲ ᯞᯩᯞᯩᯰᯉ. ᯤᯀ ᯇᯬᯒ᯲ᯘᯮᯄ᯦᯲ᯉ ᯘᯮᯔᯉ᯲ ᯖᯮ ᯇᯝᯬᯉᯤ ᯉᯪ ᯂᯞ, ᯐᯮᯔ᯲ᯇ ᯑᯪᯑᯬᯀᯪᯖ᯲ ᯐᯬᯞ᯲ᯔ
6 Luluan ni jolma ma hamatean di angka ari i, alai ndang jumpangsa; mangido do rohanasida, naeng mate nian, alai maporus do hamatean i sian nasida. ᯞᯮᯞᯮᯀᯉ᯲ ᯉᯪ ᯐᯬᯞ᯲ᯔ ᯔ ᯂᯔᯖᯩᯀᯉ᯲ ᯑᯪ ᯀᯰᯄ᯦ ᯀᯒᯪ ᯤ, ᯀᯞᯤ ᯉ᯲ᯑᯰ ᯐᯮᯔ᯲ᯇᯰᯘ, ᯔᯝᯪᯑᯬ ᯑᯬ ᯒᯬᯂᯉᯘᯪᯑ ᯉᯀᯩᯰ ᯔᯖᯩ ᯉᯪᯀᯉ᯲, ᯀᯞᯤ ᯔᯇᯬᯒᯮᯘ᯲ ᯑᯬ ᯂᯔᯖᯩᯀᯉ᯲ ᯤ ᯘᯪᯀᯉ᯲ ᯉᯘᯪᯑ
7 Ia rupa ni angka sihapor i suman do tu hoda, naung hobas tu parmusuon; ia di ulunasida dijujung do tumpal songon sere. Ia bohinasida songon bohi ni jolma do idaon; ᯤᯀ ᯒᯮᯇ ᯉᯪ ᯀᯰᯄ᯦ ᯘᯪᯂᯇᯬᯒ᯲ ᯤ ᯘᯮᯔᯉ᯲ ᯑᯬ ᯖᯮ ᯂᯬᯑ ᯉᯀᯮᯰ ᯂᯬᯅᯘ᯲ ᯖᯮ ᯇᯒ᯲ᯔᯮᯘᯮᯀᯬᯉ᯲, ᯤᯀ ᯑᯪ ᯥᯞᯮᯉᯘᯪᯑ ᯑᯪᯐᯮᯐᯮᯰ ᯑᯬ ᯖᯮᯔ᯲ᯇᯞ᯲ ᯘᯬᯝᯬᯉ᯲ ᯘᯩᯒᯩ. ᯤᯀ ᯅᯬᯂᯪᯉᯘᯪᯑ ᯘᯬᯝᯬᯉ᯲ ᯅᯬᯂᯪ ᯉᯪ ᯐᯬᯞ᯲ᯔ ᯑᯬ ᯤᯑᯀᯬᯉ᯲
8 ia obuknasida songon obuk ni boruboru, jala iponnasida songon ipon ni singa. ᯤᯀ ᯀᯬᯅᯮᯄ᯦᯲ᯉᯘᯪᯑ ᯘᯬᯝᯬᯉ᯲ ᯀᯬᯅᯮᯄ᯦᯲ ᯉᯪ ᯅᯬᯒᯮᯅᯬᯒᯮ, ᯐᯞ ᯤᯇᯬᯉ᯲ᯉᯘᯑ ᯘᯬᯝᯬᯉ᯲ ᯤᯇᯬᯉ᯲ ᯉᯪ ᯘᯪᯝ
9 Marbajubaju do nasida suman tu bajubaju bosi; ia pangkuling ni habonghabongnasida songon soara ni torop hureta na tinait ni hoda, na marlojong tu tongtangan. ᯔᯒ᯲ᯅᯐᯮᯅᯐᯮ ᯑᯬ ᯉᯘᯪᯑ ᯘᯮᯔᯉ᯲ ᯖᯮ ᯅᯐᯮᯅᯐᯮ ᯅᯬᯘᯪ, ᯤᯀ ᯇᯰᯄ᯦ᯮᯞᯪᯰ ᯉᯪ ᯂᯅᯬᯰᯂᯅᯬᯰᯉᯘᯪᯑ ᯘᯬᯝᯬᯉ᯲ ᯘᯬᯀᯒ ᯉᯪ ᯖᯬᯒᯬᯇ᯲ ᯂᯮᯒᯩᯖ ᯉ ᯖᯪᯉᯀᯪᯖ᯲ ᯉᯪ ᯂᯬᯑ, ᯉ ᯔᯒ᯲ᯞᯬᯐᯬᯰ ᯖᯮ ᯖᯬᯉ᯲ᯖᯝᯉ᯲
10 Marihur nasida songon ihur ni hala na marsorop; laos di bagasan ihurnasida do huasonasida, i ma na mangago angka jolma, leleng ni lima bulan. ᯔᯒᯪᯂᯮᯒ᯲ ᯉᯘᯪᯑ ᯘᯬᯝᯬᯉ᯲ ᯤᯂᯮᯒ᯲ ᯉᯪ ᯂᯞ ᯉ ᯔᯒ᯲ᯘᯬᯒᯬᯇ᯲ ᯞᯀᯬᯘ᯲ ᯑᯪ ᯅᯎᯘᯉ᯲ ᯤᯂᯮᯒ᯲ᯉᯘᯪᯑ ᯑᯬ ᯂᯮᯀᯘᯬᯉᯘᯪᯑ, ᯤ ᯔ ᯉ ᯔᯝᯎᯬ ᯀᯰᯄ᯦ ᯐᯬᯞ᯲ᯔ, ᯞᯩᯞᯩᯰ ᯉᯪ ᯞᯪᯔ ᯅᯮᯞᯉ᯲
11 Ia raja na manggomgom nasida, surusuruan sada sian banua toru, na margoar Abdon di hata Heber; ia di hata Junani Apollion do goarna. ᯤᯀ ᯒᯐ ᯉ ᯔᯰᯎᯬᯔ᯲ᯎᯬᯔ᯲ ᯉᯘᯪᯑ, ᯘᯮᯒᯮᯘᯮᯒᯮᯀᯉ᯲ ᯘᯑ ᯘᯪᯀᯉ᯲ ᯅᯉᯮᯀ ᯖᯬᯒᯮ, ᯉ ᯔᯒ᯲ᯎᯬᯀᯒ᯲ ᯀᯅ᯲ᯑᯬᯉ᯲ ᯑᯪ ᯂᯖ ᯂᯩᯅᯩᯒ᯲, ᯤᯀ ᯑᯪ ᯂᯖ ᯐᯮᯉᯉᯪ ᯀᯇᯬᯞ᯲ᯞᯪᯀᯬᯉ᯲ ᯑᯬ ᯎᯬᯀᯒ᯲ᯉ
12 Nunga salpu jea na parjolo; ida ma, na ro ma jea dua nari, dung salpu on! ᯉᯮᯝ ᯘᯞ᯲ᯇᯮ ᯐᯩᯀ ᯉ ᯇᯒ᯲ᯐᯬᯞᯬ, ᯤᯑ ᯔ, ᯒᯬ ᯔ ᯐᯩᯀ ᯑᯮᯀ ᯉᯒᯪ, ᯑᯮᯰ ᯘᯞ᯲ᯇᯮ ᯀᯬᯉ᯲ !
Na paonomhon 13-21. ᯉ ᯇᯀᯬᯉᯬᯔ᯲ᯂᯬᯉ᯲ ᯘᯔ᯲ᯇᯮᯞᯮ ᯖᯬᯞᯮ - ᯑᯮᯀᯇᯮᯞᯮ ᯘᯑ
II. 13 Dung i dipalu surusuruan na paonomhon ma sarunena. Jadi hubege ma sada soara sian na opat suhi ni langgatan sere na di jolo ni Debata. ᯑᯮᯰ ᯤ ᯑᯪᯇᯞᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯀᯬᯉᯬᯔ᯲ᯂᯬᯉ᯲ ᯔ ᯘᯒᯮᯉᯩᯉ. ᯐᯑᯪ ᯂᯮᯅᯩᯎᯩ ᯔ ᯘᯑ ᯘᯬᯀᯒ ᯘᯪᯀᯉ᯲ ᯉ ᯀᯬᯇᯖ᯲ ᯘᯮᯂᯪ ᯉᯪ ᯞᯰᯎᯖᯉ᯲ ᯘᯩᯒᯩ ᯉ ᯑᯪ ᯐᯬᯞᯬ ᯉᯪ ᯑᯩᯅᯖ
14 On do hatana tu surusuruan paonomhon na marsarune i: Harhari ma surusuruan na opat na tambat di topi ni batang aek Euprat na balga i! ᯀᯬᯉ᯲ ᯑᯬ ᯂᯖᯉ ᯖᯮ ᯘᯮᯒᯮᯘᯮᯒᯮᯀᯉ᯲ ᯇᯀᯬᯉᯬᯔ᯲ᯂᯬᯉ᯲ ᯉ ᯔᯒ᯲ᯘᯒᯮᯉᯩ ᯤ : ᯂᯒ᯲ᯂᯒᯪ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯬᯇᯖ᯲ ᯉ ᯖᯔ᯲ᯅᯖ᯲ ᯑᯪ ᯖᯬᯇᯪ ᯉᯪ ᯅᯖᯰ ᯀᯀᯩᯄ᯦᯲ ᯀᯩᯥᯇ᯲ᯒᯖ᯲ ᯉ ᯅᯞ᯲ᯎ ᯤ !
15 Jadi malua ma surusuruan na opat i, angka naung pinarade, asa hobas di ombasna, di arina, di bulanna, di taonna, laho mambunu sapartolu ni hajolmaon. ᯐᯑᯪ ᯔᯞᯮᯀ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯬᯇᯖ᯲ ᯤ, ᯀᯰᯄ᯦ ᯉᯀᯮᯰ ᯇᯪᯉᯒᯑᯩ, ᯀᯘ ᯂᯬᯅᯘ᯲ ᯑᯪ ᯀᯬᯔ᯲ᯅᯘ᯲ᯉ, ᯑᯪ ᯀᯒᯪᯉ, ᯑᯪ ᯅᯮᯞᯉ᯲ᯉ, ᯑᯪ ᯖᯀᯬᯉ᯲ᯉ, ᯞᯂᯬ ᯔᯔ᯲ᯅᯮᯉᯮ ᯘᯇᯒ᯲ᯖᯬᯞᯮ ᯉᯪ ᯂᯐᯬᯞ᯲ᯔᯀᯬᯉ᯲
16 Ia torop ni angka parporang na mangkunduli hoda, dua loksa hali loksa do; hubege do bilangannasida. ᯤᯀ ᯖᯬᯒᯬᯇ᯲ ᯉᯪ ᯀᯰᯄ᯦ ᯇᯒ᯲ᯇᯬᯒᯰ ᯉ ᯔᯰᯄ᯦ᯮᯉ᯲ᯑᯮᯞᯪ ᯂᯬᯑ, ᯑᯮᯀ ᯞᯬᯄ᯦᯲ᯘ ᯂᯞᯪ ᯞᯬᯄ᯦᯲ᯘ ᯑᯬ, ᯂᯮᯅᯩᯎᯩ ᯑᯬ ᯅᯪᯞᯝᯉ᯲ᯉᯘᯪᯑ
17 Songon on do huida di bagasan tondingku angka hoda nang angka na mangkundulisa: Dialithon do angka bajubaju partahanan na songon api deba, na deba angka na rara, na deba angka na gorsing songon barerang. Ia ulu ni angka hodanasida songon ulu ni singa; na puas do sian babanasida api mardongan timus dohot barerang. ᯘᯬᯝᯬᯉ᯲ ᯀᯬᯉ᯲ ᯑᯬ ᯂᯮᯤᯑ ᯑᯪ ᯅᯎᯘᯉ᯲ ᯖᯬᯉ᯲ᯑᯪᯰᯄ᯦ᯮ ᯀᯰᯄ᯦ ᯂᯬᯑ ᯉᯰ ᯀᯰᯄ᯦ ᯉ ᯔᯰᯄ᯦ᯮᯉ᯲ᯑᯮᯞᯪᯘ; ᯑᯪᯀᯞᯪᯖ᯲ᯂᯬᯉ᯲ ᯑᯬ ᯀᯄ᯦ ᯅᯐᯮᯅᯐᯮ ᯇᯒ᯲ᯖᯂᯉᯉ᯲ ᯉ ᯘᯬᯝᯬᯉ᯲ ᯀᯇᯪ ᯑᯩᯅ, ᯉ ᯑᯩᯅ ᯀᯰᯄ᯦ ᯉ ᯒᯒ, ᯉ ᯑᯩᯅ ᯀᯰᯄ᯦ ᯉ ᯎᯬᯒ᯲ᯘᯪᯰ ᯘᯬᯝᯬᯉ᯲ ᯅᯒᯩᯒᯰ. ᯤᯀ ᯥᯞᯮ ᯉᯪ ᯀᯰᯄ᯦ ᯂᯬᯑ ᯉᯘᯪᯑ ᯘᯬᯝᯬᯉ᯲ ᯥᯞᯮ ᯉᯪ ᯘᯪᯝ, ᯉ ᯇᯮᯀᯘ᯲ ᯑᯬ ᯘᯪᯀᯉ᯲ ᯅᯅᯉᯘᯪᯑ ᯀᯇᯪ ᯔᯒ᯲ᯑᯬᯝᯉ᯲ ᯖᯪᯔᯮᯘ᯲ ᯑᯬᯂᯬᯖ᯲ ᯅᯒᯩᯒᯰ
18 Hinorhon ni haporsuhon na tolu i tarbunu do sapartolu ni hajolmaon, i ma hinorhon ni api dohot timus dohot barerang, angka na puas sian babanasida. ᯂᯪᯉᯬᯒ᯲ᯂᯬᯉ᯲ ᯉᯪ ᯂᯇᯬᯒ᯲ᯘᯮᯂᯬᯉ᯲ ᯉ ᯖᯬᯞᯮ ᯤ ᯖᯒ᯲ᯅᯮᯉᯮ ᯑᯬ ᯘᯇᯒ᯲ᯖᯬᯞᯮ ᯉᯪ ᯂᯐᯬᯞ᯲ᯔᯀᯬᯉ᯲, ᯤ ᯔ ᯂᯪᯉᯬᯒ᯲ᯂᯬᯉ᯲ ᯉᯪ ᯀᯇᯪ ᯑᯬᯂᯬᯖ᯲ ᯖᯪᯔᯮᯘ᯲ ᯑᯬᯂᯬᯖ᯲ ᯅᯒᯩᯒᯰ, ᯀᯰᯄ᯦ ᯉ ᯇᯮᯀᯘ᯲ ᯘᯪᯀᯉ᯲ ᯅᯅᯉᯘᯪᯑ
19 Ai di bagasan angka babanasida dohot ihurnasida do gogo ni angka hoda i, ai suman tu ulok do angka ihurnasida, angka na marulu; marhitehite i do nasida mangago. ᯀᯤ ᯑᯪ ᯅᯎᯘᯉ᯲ ᯀᯰᯄ᯦ ᯅᯅᯉᯘᯪᯑ ᯑᯬᯂᯬᯖ᯲ ᯤᯂᯮᯒ᯲ᯉᯘᯪᯑ ᯑᯬ ᯎᯬᯎᯬ ᯉᯪ ᯀᯰᯄ᯦ ᯂᯬᯑ ᯤ, ᯀᯤ ᯘᯮᯔᯉ᯲ ᯖᯮ ᯥᯞᯬᯄ᯦᯲ ᯑᯬ ᯀᯰᯄ᯦ ᯤᯂᯮᯒ᯲ᯉᯘᯪᯑ, ᯀᯰᯄ᯦ ᯉ ᯔᯒᯮᯞᯮ, ᯔᯒ᯲ᯂᯪᯖᯩᯂᯪᯖᯩ ᯤ ᯑᯬ ᯉᯘᯪᯑ ᯔᯝᯎᯬ
20 Anggo angka jolma na tading, na so binunu ni angka haporsuhon i, laos so dipauba do rohanasida, tumadingkon niula ni tangannasida, asa unang be nian marsomba nasida tu sibolis manang tu ajiajian, angka na sian sere, sian perak, tombaga, hau dohot batu, angka na so tarbahen marnida manang marbinege manang mardalan pe. ᯀᯰᯎᯬ ᯀᯰᯄ᯦ ᯐᯬᯞ᯲ᯔ ᯉ ᯖᯑᯪᯰ ᯉ ᯘᯬ ᯅᯪᯉᯮᯉᯮ ᯉᯪ ᯀᯰᯄ᯦ ᯂᯇᯬᯒ᯲ᯘᯮᯂᯬᯉ᯲ ᯤ, ᯞᯀᯬᯘ᯲ ᯘᯬ ᯑᯬᯇᯥᯅ ᯑᯬ ᯒᯬᯂᯉᯘᯪᯑ, ᯖᯮᯔᯑᯪᯰᯄ᯦ᯬᯉ᯲ ᯉᯪᯥᯞ ᯉᯪ ᯖᯝᯉ᯲ᯉᯘᯪᯑ, ᯀᯘ ᯥᯉᯰ ᯅᯩ ᯉᯪᯀᯉ᯲ ᯔᯒ᯲ᯘᯬᯔ᯲ᯅ ᯉᯘᯪᯑ ᯖᯮ ᯘᯪᯅᯬᯞᯪᯘ᯲ ᯔᯉᯰ ᯖᯮ ᯀᯐᯪᯀᯐᯪᯀᯉ᯲, ᯀᯰᯄ᯦ ᯉ ᯘᯪᯀᯉ᯲ ᯘᯩᯒᯩ, ᯘᯪᯀᯉ᯲ ᯇᯩᯒᯄ᯦᯲, ᯖᯬᯔ᯲ᯅᯎ, ᯂᯥ ᯑᯬᯂᯬᯖ᯲ ᯅᯖᯮ, ᯀᯰᯄ᯦ ᯉ ᯘᯬ ᯖᯒ᯲ᯅᯂᯩᯉ᯲ ᯔᯒ᯲ᯉᯪᯑ ᯔᯉᯰ ᯔᯒ᯲ᯅᯪᯉᯩᯎᯩ, ᯔᯉᯰ ᯔᯒ᯲ᯑᯞᯉ᯲ ᯇᯩ
21 Ndang dipauba nasida rohanasida tumadingkon pamunuon nang na pauli rasun nang parmainanon ro di panangkoon. ᯉ᯲ᯑᯰ ᯑᯪᯇᯥᯅ ᯉᯘᯪᯑ ᯒᯬᯂᯉᯘᯪᯑ ᯖᯮᯔᯑᯪᯰᯄ᯦ᯬᯉ᯲ ᯇᯔᯮᯉᯮᯀᯬᯉ᯲ ᯉᯰ ᯉ ᯇᯥᯞᯪ ᯒᯘᯮᯉ᯲ ᯉᯰ ᯇᯒ᯲ᯔᯤᯉᯬᯉ᯲ ᯒᯬ ᯑᯪ ᯇᯉᯰᯄ᯦ᯬᯀᯬᯉ᯲