Hajajadi ni Tao Toba
Turi-turian on ditongos guru Aksara Batak Toba Kabupaten Tapanuli Utara
Tongosan on hugurithon ma tu surat Batak Toba mamangke papan ketik keyman di HP Android
ᯂᯬᯒᯘ᯲
ᯘᯬᯝᯉᯬ᯲ ᯂᯖ ᯉᯪ ᯀᯔᯮ᯲ᯇᯘ ᯔ ᯑᯬᯂᯬᯉᯉᯬ᯲ᯄᯱᯮ ;
ᯐᯬᯞᯬ ᯖᯪᯉᯇᯪ᯲ᯖᯇᯪ᯲ ᯘᯰᯎᯒ᯲ ᯅᯂᯉᯩ᯲ ᯂᯮᯒᯮᯂᯮᯒᯮᯀᯉ᯲, ᯐᯬᯞᯬ ᯘᯪᯉᯰᯮᯄᯱᯉᯮ᯲ ᯔᯒ᯲ᯎ ᯀᯘ ᯅᯪᯉᯬᯖᯬ ᯇᯒ᯲ᯖᯮᯖᯮᯒᯉ᯲.
ᯀᯂᯮ ᯉ ᯔᯒ᯲ᯎᯬᯀᯒ᯲ ᯑᯪᯀᯉ᯲ᯑ᯲ᯒ ᯇᯒᯮ᯲ᯅ ᯘᯪᯀᯉ᯲ ᯘ᯲ᯑ᯲ 173140 ᯇᯎᯒ᯲ ᯅᯖᯮ ᯄᯱᯩᯚᯱᯔᯖᯉ᯲ ᯘᯪᯇᯬᯂᯬᯞᯉᯬ᯲.
ᯑᯰᯩ ᯄᯱᯩ ᯉ ᯅᯬᯞᯉᯬ᯲ ᯉ ᯂᯪᯉᯀᯞᯪ᯲ ᯉᯪ ᯘᯪ ᯖᯬᯅ
ᯑᯪ ᯘᯑ ᯞᯮᯀᯖ᯲ ᯀᯑᯰᯬ ᯔ ᯘᯂᯞᯄᯱ᯲ ᯑᯬᯞᯪᯑᯬᯞᯪ ᯉ ᯘᯬ ᯔᯒᯔ ᯘᯬ ᯔᯖᯪᯉ. ᯤᯀ ᯎᯬᯀᯒ᯲ᯉ ᯘᯪ ᯖᯬᯅ ᯑᯬ. ᯘᯪᯥᯞᯀᯉᯬ᯲ᯉ ᯎᯉᯇᯮ᯲ ᯀᯒᯪ ᯔᯝᯮᯞ ᯑᯬ. ᯀᯞᯤ ᯑᯪ ᯖᯰᯪᯄᯱᯪ ᯇᯬᯖᯰ ᯀᯒᯪ ᯘᯤ ᯞᯂᯬ ᯑᯬ ᯤᯅᯉ ᯔᯰᯄᯱᯀᯞᯪ᯲ ᯖᯮ ᯘᯑ ᯅᯪᯉᯝ ᯉ ᯖᯪᯀᯬ. ᯞᯀᯘᯬ᯲ ᯑᯪᯘᯪ ᯑᯬ ᯤᯅᯉ ᯔᯒ᯲ᯖᯇᯪᯀᯉ᯲.
ᯑᯪ ᯘᯑ ᯉᯪ ᯀᯒᯪ ᯘᯬᯝᯉᯬ᯲ ᯉ ᯞᯩᯞᯰᯩ ᯀᯘ ᯑᯇᯖᯬ᯲ ᯑᯰᯩ ᯄᯱᯩ ᯤᯅᯉ. ᯐᯬᯞᯬ ᯔᯒ᯲ᯖᯇᯪᯀᯉ᯲ ᯔ ᯀᯂᯮ ᯀᯘ ᯔᯮᯞᯄᯱ᯲ ᯉᯉᯪ᯲ᯉ ᯒᯬᯂᯉ. ᯑᯪ ᯉ ᯞᯂᯬ ᯔᯮᯞᯄᯱ᯲ ᯤᯅᯉ ᯘᯝᯉᯬ᯲ ᯉ ᯔᯬᯒᯖᯬ᯲ᯀᯬᯒᯖᯬ᯲ ᯔ ᯂᯀᯞᯪ᯲ᯉ ᯤ. ᯖᯮᯖᯮ ᯔ ᯀᯉ᯲ᯖᯰᯬ ᯇᯉᯪ᯲ᯖᯒᯬ᯲ ᯑᯪᯘᯉᯪ᯲ᯖᯄᯱ᯲ ᯤᯅᯉ ᯔ ᯎᯬᯎᯬ. ᯑᯇᯖᯬ᯲ᯉ ᯔ ᯘᯑ ᯑᯰᯩ ᯄᯱᯩ ᯔᯘ᯲ ᯉ ᯔᯉ᯲ᯘᯤ ᯅᯬᯞᯉᯬ᯲. ᯞᯘ᯲ ᯘᯪᯖᯮᯖᯮ , ᯒᯬᯂᯉ ᯞᯂᯬ ᯔᯮᯞᯄᯱ᯲.
ᯑᯪ ᯇᯒ᯲ᯑᯞᯉᯉ᯲ ᯇᯬᯞ ᯑᯬ ᯑᯪᯖᯅᯮᯉᯪᯂᯉᯬ᯲ ᯤᯅᯉ ᯑᯰᯩ ᯄᯱᯩ ᯤ. ᯀᯘ ᯥᯉᯰ ᯀᯑᯰᯬ ᯔᯉ᯲ᯐᯞᯬᯘ. ᯂᯬᯞᯉ᯲ ᯘᯂᯖ᯲ ᯑᯪ ᯐᯅᯮ ᯇᯉᯪ᯲ᯖᯒᯬ᯲ ᯑᯪᯇᯩᯀᯄᯱ᯲ᯂᯉᯬ᯲ ᯔ ᯑᯰᯩ ᯄᯱᯩ ᯤ. ᯞᯂᯬ ᯔ ᯤᯅᯉ ᯇᯎᯞᯄᯱ᯲ ᯖᯖᯒᯰᯪ. ᯑᯪᯂᯮᯑᯘᯮ᯲ ᯔ ᯘᯮᯑᯩᯉ ᯀᯤ ᯖᯰᯮ ᯔᯞᯩ ᯘᯪᯥᯅᯩᯀᯉᯬ᯲ᯉ.
ᯑᯰᯩ ᯄᯱᯩ ᯉ ᯎᯅᯩ ᯀᯉᯄᯱ᯲ ᯅᯬᯒᯮ
ᯑᯪ ᯉ ᯞᯂᯬ ᯔᯔ᯲ᯅᯮᯀᯖ᯲ ᯑᯰᯩ ᯄᯱᯩ ᯤ ᯘᯪ ᯖᯬᯅ ᯑᯰ ᯑᯪᯤᯑ ᯅᯩ ᯑᯪᯘᯪ ᯑᯰᯩ ᯄᯱᯩ ᯤ. ᯀᯞᯤ ᯖᯒ᯲ᯘᯰᯬᯎᯖᯬ᯲ ᯂᯮᯂᯖᯮ᯲ ᯖᯒ᯲ᯂᯖᯬᯖᯰᯬ ᯑᯬ ᯘᯪ ᯖᯬᯅ. ᯀᯤ ᯝ ᯐᯰᯬᯐᯰᯬ ᯘᯂᯞᯄᯱ᯲ ᯀᯉᯄᯱ᯲ ᯅᯬᯒᯮ ᯉ ᯑᯪ ᯖᯬᯝ ᯉᯪ ᯅᯎᯘ᯲ ᯤ.
ᯀᯂᯮ ᯑᯬ ᯤ ᯑᯰᯩ ᯄᯱᯩ ᯉ ᯉᯪᯂᯀᯞᯪ᯲ᯔᯪ, ᯥᯉᯰ ᯔ ᯔᯅᯪᯀᯒ᯲ ᯂᯬ, ᯐᯞ ᯥᯉᯰ ᯑᯄᯱᯬ᯲ᯂᯉᯬ᯲ ᯖᯮ ᯂᯞᯄᯱ᯲.
ᯎᯅᯩ ᯒᯇ᯲ ᯔ ᯂᯞᯄᯱ᯲ ᯤ ᯉᯑᯮᯀ ᯖᯑᯰᯪ ᯑᯪ ᯅᯎᯘ᯲ ᯤ. ᯘᯮᯑᯩ ᯉ ᯉᯪᯥᯞ ᯉᯪ ᯘᯪ ᯖᯬᯅ ᯑᯪᯥᯒᯮᯇᯪ ᯅᯬᯒᯮᯅᯬᯒᯮ ᯤ. ᯖᯮᯅᯮ ᯔ ᯂᯬᯞᯰᯬ ᯉᯪ ᯒᯬᯂ ᯑᯪ ᯂᯞᯄᯱ᯲ ᯤ ᯉᯑᯮᯀ.
ᯇᯑᯉ᯲ ᯉ ᯘᯬ ᯐᯑᯪ ᯘᯪᯀᯬᯘᯩᯀᯉᯬ᯲
ᯑᯪ ᯘᯑ ᯖᯰᯪᯄᯱᯪ ᯑᯪᯑᯄᯱᯬ᯲ ᯘᯪ ᯖᯬᯅ ᯔ ᯀᯘ ᯔᯒ᯲ᯂᯘᯬᯂᯬᯖᯉ᯲ ᯉᯘᯪᯑ. ᯀᯑᯰᯬ ᯑᯬ ᯇᯑᯉ᯲ ᯑᯪᯇᯘᯂᯖ᯲ ᯅᯬᯒᯮᯅᯬᯒᯮ ᯤ. ᯉ ᯘᯬ ᯐᯑᯪ ᯘᯪ ᯀᯬᯘᯩᯀᯉᯬ᯲ ᯉᯪ ᯘᯪ ᯖᯬᯅ ᯖᯮ ᯔᯉᯰ ᯤᯘᯩ, ᯉ ᯘᯪᯀᯉ᯲ ᯔᯮᯞ ᯉᯪ ᯑᯰᯩ ᯄᯱᯩ ᯑᯬ ᯤᯅᯉ, ᯔᯉᯰ ᯀᯂ ᯇᯩ ᯉ ᯔᯘ.
ᯞᯩᯞᯰᯩ ᯞᯩᯞᯰᯩ ᯉᯪ ᯀᯒᯪ ᯖᯮᯅᯮ ᯔ ᯤᯀᯉᯄᯱ᯲ᯂᯉᯬ᯲ ᯉᯘᯪᯑ. ᯑᯪᯅᯂᯉᯩ᯲ ᯔ ᯎᯬᯀᯒ᯲ᯉ ᯘᯪ ᯘᯔᯬᯘᯒᯪ᯲. ᯤᯀ ᯘᯪ ᯘᯔᯬᯘᯒᯪ᯲ ᯀᯉᯬ᯲ ᯞᯬᯘᯄᯱᯬ᯲, ᯔᯰᯬᯄᯱᯘᯮ᯲. ᯘᯤ ᯂᯬᯞᯉ᯲ ᯉ ᯔᯒ᯲ᯔᯩᯀᯔᯪ ᯑᯬ ᯑᯪ ᯒᯬᯂᯉ.
ᯑᯪ ᯘᯎᯰ ᯉᯪ ᯀᯒᯪ ᯑᯪᯑᯄᯱᯬ᯲ᯂᯉᯬ᯲ ᯤᯉᯰᯬᯉ ᯔ ᯀᯘ ᯑᯪᯖᯒᯮᯂᯉᯬ᯲ ᯘᯪᯇᯝᯉᯉᯬ᯲ ᯉᯪ ᯀᯔᯰᯬᯉ ᯖᯮ ᯅᯞᯪᯀᯉ᯲. ᯞᯩᯞᯰᯩ ᯑᯬ ᯀᯘ ᯑᯪᯀᯬᯞᯬᯤ ᯂᯖ ᯉᯪ ᯤᯉᯰᯬᯉ ᯤ. ᯞᯂᯬ ᯔ ᯤᯅᯉ ᯂᯮᯂᯖᯮ᯲ ᯔᯒᯮᯝᯖᯮ᯲ᯥᯝᯖᯮ᯲.
ᯑᯪ ᯖᯬᯝ ᯑᯞᯉ᯲ ᯔᯞᯩ ᯔ ᯘᯪᯥᯅᯩᯀᯉᯬ᯲ᯉ. ᯞᯀᯘᯬ᯲ ᯑᯪᯇᯝᯉ᯲ ᯔ ᯘᯪᯇᯝᯉᯉᯬ᯲ ᯉᯪ ᯀᯔᯰᯬᯉ ᯤ. ᯑᯪᯖᯑᯰᯪᯄᯱᯉᯬ᯲ ᯔ ᯘᯀᯬᯖᯄᯱᯪ᯲.
ᯀᯔᯰᯬ ᯀᯔᯰᯬ ᯀᯔᯰᯬ ᯑᯪ ᯑᯪᯀ ᯂᯬ ᯝ ᯘᯂᯖ᯲ ᯀᯂᯮ ᯔᯝᯉ᯲ ᯔ ᯂᯬ.
ᯅᯂ᯲ ᯉᯀᯰᯮ ᯒᯬ ᯑᯬ ᯂᯬ ᯀᯉᯄᯱ᯲ᯄᯱᯮ ? ᯂᯮᯂᯖᯮ᯲ ᯔ ᯑᯪᯐᯞᯬ ᯀᯔᯰᯬᯉ ᯤ ᯘᯪᯇᯝᯉᯉᯬ᯲ ᯤ. ᯑᯪᯅᯩᯒᯰᯩ ᯔ ᯘᯪᯇᯝᯉᯉᯬ᯲ ᯉ ᯖᯑᯰᯪ ᯘᯀᯬᯖᯄᯱᯪ᯲ᯉ ᯤ. ᯔᯮᯒᯄᯱᯮ᯲ ᯔ ᯀᯔᯰᯬᯉ ᯤ. ᯖᯒ᯲ᯒᯪᯔᯘ᯲ ᯔ ᯤᯅᯉ. ᯑᯰ ᯑᯪᯤᯝᯖᯬ᯲ ᯅᯩ ᯀᯂ ᯇᯑᯉ᯲ ᯉ ᯘᯬ ᯅᯬᯤ ᯑᯬᯂᯬᯉᯉᯬ᯲ᯉ.
ᯇᯉᯪ᯲ᯖᯒᯬ᯲ ᯑᯪᯑᯄᯱᯬ᯲ ᯔ ᯖᯮ ᯀᯉᯄᯱ᯲ᯉ ᯤ : ᯖᯮᯖᯮ ᯔ ᯂᯬ ᯖᯮᯅᯮ ᯉᯪ ᯑᯰᯩ ᯄᯱᯩ. ᯖᯮᯔᯖᯝᯘᯪ᯲ ᯔ ᯘᯪ ᯘᯔᯬᯘᯒᯪ᯲ ᯀᯔᯮ᯲ᯅᯩᯎᯩᯘ. ᯘᯤ ᯖᯮᯔᯖᯝᯘᯪ᯲ ᯔ ᯤᯅᯉ ᯔᯉ᯲ᯑᯇᯖᯬ᯲ᯂᯉᯬ᯲ ᯤᯉᯰᯬᯉ.
ᯥᯑᯉ᯲ ᯂᯅᯂᯅ ᯀᯞ ᯉᯪ ᯇᯑᯉ᯲ ᯉᯀᯰᯮ ᯑᯪᯀᯬᯘᯩ
ᯤᯉᯰᯬ ᯤᯉᯰᯬ ᯖᯮᯖᯮ ᯑᯬ ᯀᯂᯮ ᯖᯮᯅᯮ ᯉᯪ ᯑᯰᯩ ᯄᯱᯩ ? ᯔᯉ᯲ᯘᯤ ᯞᯮᯝᯉᯮ᯲ ᯔ ᯒᯬᯂ ᯉᯪ ᯤᯉᯰᯬᯉ ᯤ. ᯀᯞᯤ ᯑᯪᯑᯄᯱᯬ᯲ ᯤᯉᯰᯬᯉ ᯤ ᯔ ; ᯀᯉᯄᯱ᯲ᯄᯱᯮ ᯘᯔᯬᯘᯒᯪ᯲ ᯞᯂᯬ ᯔ ᯂᯬ ᯖᯮ ᯑᯬᯞᯄᯱᯬ᯲ ᯀᯑᯮᯤ ᯔᯒ᯲ᯖᯅᯮᯉᯪ ᯔ ᯂᯬ ᯑᯪᯘᯪ.
ᯑᯰᯮ ᯤ ᯞᯂᯬ ᯔ ᯤᯉᯰᯬᯉ ᯤ ᯖᯮ ᯅᯪᯉᯝ ᯉ ᯖᯪᯀᯬ ᯤ ᯂᯮᯂᯖᯮ᯲ ᯔᯒ᯲ᯖᯰᯬᯎᯬ ᯖᯮ ᯔᯮᯞ ᯐᯑᯪ ᯉ ᯅᯬᯞᯉᯬ᯲. ᯖᯔᯬ᯲ᯇᯮ ᯔ ᯒᯬ ᯒᯰᯬᯎᯒᯮ᯲ ᯉ ᯎᯬᯎᯬ, ᯥᯑᯉ᯲ ᯉ ᯔᯉ᯲ᯘᯤ ᯑᯬᯒᯘ᯲. ᯘᯤ ᯂᯩᯒ ᯉ ᯑᯪᯘᯅᯒᯮ᯲ᯂᯉᯬ᯲ ᯔ ᯀᯀᯄᯰᯩ᯲ ᯉ ᯔᯉ᯲ᯘᯤ ᯎᯬᯑᯰ ᯖᯮ ᯞᯮᯀᯖ᯲ ᯤ. ᯀᯞᯬᯎᯬ ᯇᯩ ᯔᯉ᯲ᯘᯤ ᯎᯬᯎᯬ ᯋᯘᯮ᯲ ᯋᯘᯮ,..,
ᯑᯰᯮ ᯞᯩᯞᯰᯩ ᯉ ᯔᯘ ᯤ ᯎᯅᯩ ᯀᯑᯰᯬ ᯔ ᯘᯑ ᯖᯀᯬ ᯉ ᯔᯉ᯲ᯘᯤ ᯅᯬᯞᯄᯱ᯲. ᯀᯀᯄᯱᯩ᯲ ᯉ ᯇᯩ ᯔᯉ᯲ᯘᯤ ᯖᯪᯀᯬ. ᯑᯪ ᯖᯬᯝᯖᯬᯝ ᯖᯀᯬ ᯤ ᯀᯑᯰᯬ ᯑᯬ ᯇᯮᯞᯬ. ᯑᯪᯑᯄᯱᯬ᯲ ᯂᯞᯄᯱ᯲ ᯔ ᯤ ᯘᯂᯖ᯲ ᯖᯮ ᯘᯑᯒᯪ ᯀᯉᯬ᯲ ᯇᯮᯞᯬ ᯘᯔᯬᯘᯒᯪ᯲. ᯐᯞ ᯖᯀᯬ ᯉ ᯅᯬᯞᯄᯱ᯲ ᯤ ᯑᯪᯑᯄᯱᯬ᯲ ᯔ ᯤ ᯖᯀᯬ ᯖᯬᯅ.
ᯘᯬᯝᯉᯬ᯲ ᯤ ᯔ ᯐᯬ ᯀᯔᯰ ᯤᯉᯰ ᯑᯬᯂᯖᯬ᯲ ᯉ ᯂᯮᯔᯞᯪᯀᯰ ᯉ ᯅᯬᯤ ᯂᯮᯇᯐᯬᯐᯒᯬ᯲ ᯖᯒᯪᯝᯖᯬ᯲ ᯖᯮᯒᯪᯖᯮᯒᯪᯀᯉ᯲ᯂᯉᯬ᯲.
ᯘᯪᯝᯖᯬ᯲ᯘᯪᯝᯖᯬ᯲ ᯘᯪᯀᯉ᯲ ᯖᯮᯒᯪᯖᯮᯒᯪᯀᯉ᯲ ᯀᯉᯬ᯲ ; ᯉ ᯘᯬ ᯐᯑᯪ ᯂᯪᯖ ᯔᯝᯬᯘᯩ ᯇᯑᯉ᯲ ᯔᯉᯰ ᯀᯂ ᯇᯩ ᯉ ᯔᯘ.
ᯔᯥᯞᯮᯪᯀᯖᯩ
ᯂᯬᯒᯘ᯲ ᯂᯬᯒᯘ᯲ ᯂᯬᯒᯘ᯲
Tidak ada komentar:
Posting Komentar
Biasakan menulsikan komentar positif demi kebaikan bersama
Terima kasih untuk tidak menuliskan komentar berisi iklan atau promosi