ᯖᯮᯒᯪᯖᯮᯪᯀᯉ᯲ ᯉᯪ ᯘᯪ ᯀᯐᯪ ᯇᯉᯰᯮᯄ᯦ᯮᯉᯉ᯲ Turi-turian ni si Aji Panungkunan Turpuk Pasampululimahon (Pangke Android)

Dung i marhata ma nasida taringot tu hababangkit ni si Aji
Panungkunan gabe raja ni huta Dolok Pargarutan.

ᯑᯰᯮ ᯤ ᯔᯒ᯲ᯂᯖ ᯔ ᯉᯘᯪᯑ ᯖᯒᯪᯝᯖᯬ᯲ ᯖᯮ ᯂᯅᯅᯰᯄᯱᯖᯪ᯲ ᯉᯪ ᯘᯪ ᯀᯐᯪ ᯇᯉᯰᯮᯄᯱᯮᯉᯉ᯲ ᯎᯅᯩ ᯒᯐ ᯉᯪ ᯂᯮᯖ ᯑᯬᯞᯄᯱᯬ᯲ ᯇᯒ᯲ᯎᯒᯮᯖᯉ᯲

Nunga satolop hami sude rajanami, Raja Sohuturon Dolok, asa si Aji Panungkunan gabe raja di hutanami on. Alai ndang olo hami anggo tung marrajahon doli-doli!" ninna ulubalang Partahan Soaloon.

ᯉᯮᯝ ᯘᯖᯬᯞᯇᯬ᯲ ᯂᯔᯪ ᯘᯮᯑᯩ ᯒᯐᯉᯔᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄᯱᯬ᯲ ᯀᯘ ᯘᯪ ᯀᯐᯪ ᯇᯉᯰᯮᯄᯱᯮᯉᯉ᯲ ᯎᯅᯩ ᯒᯐ ᯑᯪ ᯂᯮᯖᯉᯔᯪ ᯀᯉᯬ᯲. ᯀᯞᯤ ᯑᯰ ᯀᯬᯞᯬ ᯂᯔᯪ ᯀᯰᯎᯬ ᯖᯰᯮ ᯔᯒ᯲ᯒᯐᯂᯉᯬ᯲ ᯑᯬᯞᯪᯑᯬᯞᯪ ᯉᯉᯪ᯲ᯉ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲.

I do tutu, na sintong ma i nidok ni ulubalang i!" ninna sude pangisi ni huta i.

ᯤ ᯑᯬ ᯖᯮᯖᯮ ᯉ ᯘᯉᯪ᯲ᯖᯰᯬ ᯔ ᯤ ᯉᯪᯑᯄᯱᯬ᯲ ᯉᯪ ᯥᯞᯮᯅᯞᯰ ᯤ. ᯉᯉᯪ᯲ᯉ ᯘᯮᯑᯩ ᯇᯝᯪᯘᯪ ᯉᯪ ᯂᯮᯖ ᯤ

"Ahu pe mandok, na sintong do i tutu !" ninna Raja Sohuturon
Dolok. "Jadi beha nama i?" ninna nasida sude.

ᯀᯂᯮ ᯇᯩ ᯔᯉ᯲ᯑᯄᯱᯬ᯲ ᯉ ᯘᯉᯪ᯲ᯖᯰᯬ ᯑᯬ  ᯤ ᯖᯮᯖᯮ. ᯉᯉᯪ᯲ᯉ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄᯱᯬ᯲. ᯐᯑᯪ ᯅᯩᯂ ᯉᯔ ᯤ? ᯉᯘᯪᯑ ᯘᯮᯑᯩ.

Dung i didok Raja Sohuturon Dolok ma, "Hamu ale angka
amang! Pitu ari nari ro ma hamu sude tu hutanami, Lobu Namaduma, ai margondang ma hita, marlas ni roha. 

ᯑᯰᯮ ᯤ ᯑᯪᯑᯄᯱᯬ᯲ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄᯱᯬ᯲ ᯔ,  ᯂᯔᯮ ᯀᯞᯩ ᯀᯰᯄᯱ ᯀᯔᯰ ! ᯇᯪᯖᯮ ᯀᯒᯪ ᯉᯒᯪ ᯒᯬ ᯔ ᯂᯔᯮ ᯘᯮᯑᯩ ᯖᯮ ᯂᯮᯖᯉᯔᯪ ᯞᯬᯅᯮ  ᯉᯔᯑᯮᯔ ᯀᯤ ᯔᯒ᯲ᯎᯉᯬ᯲ᯑᯰ ᯔ ᯂᯪᯖ ᯔᯒ᯲ᯞᯘ᯲ ᯉᯪ ᯒᯬᯂ.

Nunga malum antong sahit ni borungku, dung i disi ma si Aji Panungkunan gabe helangku!"
Jadi marlas ni roha ma sude pangisi ni huta i.

ᯉᯮᯝ ᯔᯞᯔᯮ᯲ ᯀᯉ᯲ᯖᯰᯬ ᯘᯂᯖᯪ᯲ ᯉᯪ ᯅᯬᯒᯰᯄᯱᯮ. ᯑᯰᯮ ᯤ ᯑᯪᯘᯪ ᯔ ᯘᯪ ᯀᯐᯪ ᯇᯉᯰᯮᯄᯱᯮᯉᯉ᯲ ᯎᯅᯩ ᯂᯩᯞᯰᯄᯱᯮ. ᯐᯑᯪ ᯔᯒ᯲ᯞᯘ᯲ ᯉᯪ ᯒᯬᯂ ᯔ ᯘᯮᯑᯩ ᯇᯝᯪᯘᯬ ᯉᯪ ᯂᯮᯖ ᯤ.

Dung i didok ulubalang i ma, "Buat hamu ma sada horbo, borothon hamu ma di tonga ni alaman!"

ᯑᯰᯮ ᯤ ᯑᯪᯑᯄᯱᯬ᯲ ᯥᯞᯮᯅᯞᯰ ᯤ ᯔ. ᯅᯮᯀᯖ᯲ ᯂᯔᯮ ᯔ ᯘᯑ ᯂᯒᯬ᯲ᯅᯬ ᯅᯬᯒᯖᯬ᯲ᯂᯉᯬ᯲ ᯂᯔᯮ ᯔ ᯑᯪ ᯖᯬᯝ ᯉᯪ ᯀᯞᯔᯉ᯲ !

Diborothon nasida ma tutu horbo i; dung i ditullang ma jala disahei; dung disahei diparmasak ma di bagas. Diparmasak ma juhut horbo i, dilompa ma nang indahan. Dung masak sude, ba
mangan ma nasida marlas ni roha.

ᯑᯪᯅᯬᯒᯖᯬ᯲ᯂᯉᯬ᯲ ᯉᯘᯪᯑ ᯔ ᯖᯮᯖᯮ ᯂᯒᯬ᯲ᯅᯬ ᯤ, ᯑᯰᯮ ᯤᯑᯪᯖᯞᯮ᯲ᯞᯰ ᯔ ᯐᯞ ᯑᯪᯘᯂᯩᯤ.  ᯑᯰᯮ  ᯑᯪᯘᯄᯩᯤ ᯑᯪᯇᯒ᯲ᯔᯘᯄᯱ᯲ ᯔ ᯐᯮᯂᯖᯮ᯲ ᯂᯒᯬ᯲ᯅᯬ ᯤ ᯑᯪᯞᯔᯬ᯲ᯇ ᯔ ᯉᯰ ᯀᯉᯪ᯲ᯑᯂᯉ᯲. ᯑᯰᯮ ᯔᯘᯄᯱ᯲ ᯘᯮᯑᯩ ᯅ ᯔᯝᯉ᯲ ᯔ ᯉᯘᯪᯑ ᯔᯒ᯲ᯞᯘ᯲ ᯉᯪ ᯒᯬᯂ

I ma sipanganon paborhathon Raja Sohuturon Dolok dohot
angka paranganna tu hutana.

ᯤ ᯔ ᯘᯪᯇᯝᯉᯉᯬ᯲ ᯇᯅᯒᯬ᯲ᯂᯖ᯲ᯂᯉᯬ᯲ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄᯱᯬ᯲ ᯑᯬᯂᯖᯬ᯲ ᯀᯰᯄᯱ ᯇᯒᯑᯉ᯲ᯉ ᯖᯮ ᯂᯮᯖᯉ