ᯖᯮᯒᯪᯖᯮᯪᯀᯉ᯲ ᯉᯪ ᯘᯪ ᯀᯐᯪ ᯇᯉᯰᯮᯄ᯦ᯮᯉᯉ᯲ Turi-turian ni si Aji Panungkunan Turpuk Parjolo (Pangke Android)

Adong ma najolo di huta Dolok Pargarutan maringanan sada raja na margoar Raja Panangian Sojuaon. 

ᯀᯑᯰᯬ ᯔ ᯉᯐᯬᯞᯬ ᯑᯪ ᯂᯮᯖ ᯑᯬᯞᯂᯬ᯲ ᯇᯒ᯲ᯎᯒᯮᯖᯉ᯲ ᯔᯒᯪᯝᯉᯉ᯲ ᯘᯑ ᯒᯐ ᯉ ᯔᯒ᯲ᯎᯬᯀᯒ᯲ ᯒᯐ ᯇᯉᯝᯪᯀᯉ᯲ ᯘᯬᯐᯮᯀᯀᯉᯬ᯲

Poso dope ibana di na marsahit ibana; sai lam posa do sahitna i. 

ᯇᯬᯘᯬ ᯑᯬᯇᯩ ᯤᯅᯉ ᯑᯪ ᯉ ᯔᯒ᯲ᯘᯂᯖᯪ᯲ ᯤᯅᯉ ᯘᯤ ᯞᯔ᯲ ᯇᯬᯘ ᯑᯬ ᯘᯂᯖᯪ᯲ᯉ ᯤ

Dihilala ibana ingkon marujung do ngoluna sahali marsahit on; jadi dijou ma pardihutana.

ᯑᯪᯂᯪᯞᯞ ᯤᯅᯉ ᯀᯰᯪᯂᯉᯬ᯲ ᯔᯒᯮᯐᯮᯰ ᯑᯬ ᯝᯬᯞᯮᯉ ᯘᯂᯞᯪ ᯔᯒ᯲ᯘᯂᯖᯪ᯲ ᯀᯉᯬ᯲ ᯐᯑᯪ ᯑᯪᯐᯬᯥ ᯔ ᯇᯒ᯲ᯑᯪᯂᯮᯖᯉ

Disuru ma diabing anak nasida si Aji Panungkunan, ai sasada i do anakna. 

ᯑᯪᯘᯮᯒᯮ ᯔ ᯑᯪᯀᯅᯰᯪ ᯀᯉᯂ᯲ ᯉᯘᯪᯑ ᯘᯪ ᯀᯐᯪ ᯇᯉᯮᯰᯂᯮᯉᯉ᯲ ᯀᯤ ᯘᯘᯑ ᯤ ᯑᯬ ᯀᯉᯂ᯲ᯉ

Dung diboan anakna i jonok tu ibana didok raja i ma, "Ale Aji Panungkunan, anak hasian. 

ᯑᯮᯰ ᯑᯪᯅᯬᯀᯉ᯲ ᯀᯉᯂ᯲ᯉ ᯤ ᯐᯬᯉᯂᯬ᯲ ᯖᯮ ᯤᯅᯉ ᯑᯪᯑᯂᯬ᯲ ᯒᯐ ᯤ ᯔ ᯀᯞᯩ ᯀᯐᯪ ᯇᯉᯮᯰᯂᯮᯉᯉ᯲ ᯀᯉᯂ᯲ ᯂᯘᯪᯀᯉ᯲

Sai imbur-imbur magodang ma ho. 

ᯘᯤ ᯀᯔᯪ᯲ᯅᯒᯮ᯲ᯀᯔᯪ᯲ᯅᯒᯮ᯲ ᯔᯎᯬᯑᯰ ᯔ ᯂᯬ

Godang do sitaononmu di tingki poso ho, alai dung salpu i, ro do na tonggi di ngolum.

ᯎᯬᯑᯰ ᯑᯬ ᯘᯪᯖᯀᯬᯉᯉᯬ᯲ᯔᯮ ᯑᯪ ᯖᯰᯪᯂᯪ ᯇᯬᯘᯬ ᯂᯬ ᯀᯞᯤ ᯑᯮᯰ ᯘᯞ᯲ᯇᯮ ᯤ ᯒᯬ ᯑᯬ ᯉ ᯖᯰᯬᯎᯪ ᯑᯪ ᯝᯬᯞᯔᯮ᯲

Gabe songon goarmi do ho muse, panungkunan habisuhon di uhum dohot di ngolu!"

ᯎᯅᯩ ᯘᯬᯝᯉᯬ᯲ ᯎᯬᯀᯒ᯲ᯔᯪ ᯑᯬ ᯂᯬ ᯔᯮᯘᯩ ᯇᯉᯮᯰᯂᯮᯉᯉᯬ᯲ ᯂᯅᯪᯘᯮᯂᯉᯬ᯲ ᯑᯪ ᯥᯂᯔᯮ᯲ ᯑᯬᯂᯖᯬ᯲ ᯑᯪ ᯝᯬᯞᯮ

Dung i didok ma tu pardihutana i, "Ale boru ni datulang, unang pola mamarsakhu ho, molo dung mate ahu. 

ᯑᯮᯰ ᯤ ᯑᯪᯑᯂᯬ᯲ ᯔ ᯖᯮ ᯇᯒ᯲ᯑᯪᯂᯮᯖᯉ ᯀᯞᯩ ᯅᯬᯒᯮ ᯉᯪ ᯑᯖᯮᯞᯰ ᯥᯉᯰ ᯇᯬᯞ ᯔᯔᯒ᯲ᯘᯂ᯲ᯂᯮ ᯂᯬ ᯔᯬᯞᯬ ᯑᯮᯰ ᯔᯖᯩ ᯀᯂᯮ

Sai gabe apul-apul do muse anakta i di ho, gabe las ni roha. 

ᯘᯤ ᯎᯅᯩ ᯀᯇᯞᯮ᯲ᯀᯇᯞᯮ᯲ ᯑᯬ ᯔᯮᯘᯩ ᯀᯉᯂ᯲ᯖ ᯤ ᯑᯪ ᯂᯬ ᯎᯅᯩ ᯞᯘ᯲ ᯉᯪ ᯒᯬᯂ

Asal ma benget ho pagodang-godangkon ibana!" ninna. 

ᯀᯘᯞ᯲ ᯔᯅᯩᯝᯖᯩ᯲ ᯂᯬ ᯇᯎᯬᯑᯰᯎᯬᯑᯰᯂᯉᯬ᯲ ᯤᯅᯉ ᯉᯉᯪ᯲ᯉ

Dung i mate ma tutu raja i.

ᯑᯮᯰ ᯤ ᯔᯖᯩ ᯔ ᯖᯮᯖᯮ ᯒᯐ ᯤ

Dung mate Raja Panangian Sojuaon, soluk ma Raja Parbaliung gabe singkatna. 

ᯑᯮᯰ ᯔᯖᯩ ᯒᯐ ᯇᯉᯝᯪᯀᯉ᯲ ᯘᯬᯐᯮᯀᯀᯉᯬ᯲ ᯘᯬᯞᯂᯮ᯲ ᯔ ᯒᯐ ᯇᯒ᯲ᯅᯞᯪᯀᯮᯰ ᯎᯅᯩ ᯘᯰᯪᯂᯖ᯲ᯉ

Na jingar do ibana jala na begu, sihabiaran ni pangisi ni huta Dolok Pargarutan. 

ᯉ ᯐᯪᯝᯒ᯲ ᯑᯬ ᯤᯅᯉ ᯐᯞ ᯉ ᯅᯩᯎᯮ ᯘᯪᯂᯅᯪᯀᯒᯉ᯲ ᯉᯪ ᯇᯝᯪᯘᯪ ᯉᯪ ᯂᯮᯖ ᯑᯬᯞᯂᯬ᯲ ᯇᯒ᯲ᯎᯒᯮᯖᯉ᯲

Jotjot do hurang tingkos uhumna, alai mabiar do halak papuashon.

ᯐᯖᯬ᯲ᯐᯖᯬ᯲ ᯑᯬ ᯂᯮᯒᯰ ᯖᯰᯪᯂᯘᯬ᯲ ᯥᯂᯔᯮ᯲ᯉ ᯀᯞᯤ ᯔᯅᯪᯀᯒ᯲ ᯑᯬ ᯂᯞᯂ᯲ ᯇᯇᯮᯀᯘ᯲ᯂᯉᯬ᯲

Marpogos ma anggo ina ni si Aji Panungkunan, ai sai dihaliangi Raja Parbaliung do arta ni raja nahinan.

ᯔᯒ᯲ᯇᯬᯎᯘᯬ᯲ ᯔ ᯀᯰᯎᯬ ᯤᯉ ᯉᯪ ᯘᯪ ᯀᯐᯪ ᯇᯉᯮᯰᯂᯮᯉᯉ᯲ ᯀᯤ ᯘᯀ ᯑᯪᯂᯞᯪᯀᯝᯪ ᯒᯐ ᯇᯒ᯲ᯅᯞᯪᯀᯮᯰ ᯑᯬ ᯀᯒ᯲ᯖ ᯉᯪ ᯒᯐ ᯉᯂᯪᯉᯉ᯲

Adong do di huta i sada datu, na margoar Datu Pamurnas. 

ᯀᯑᯰᯬ ᯑᯬ ᯑᯪ ᯂᯮᯖ ᯤ ᯘᯑ ᯑᯖᯮ ᯉ ᯔᯒ᯲ᯎᯬᯀᯒ᯲ ᯑᯖᯮ ᯇᯔᯒᯮ᯲ᯉᯘ᯲

Sai satahi do i dohot raja i, sai mardongan do nasida na dua.

ᯘᯤ ᯘᯖᯂᯪ ᯑᯬ ᯤ ᯑᯬᯂᯖᯬ᯲ ᯒᯐ ᯤ ᯘᯤ ᯔᯒ᯲ᯑᯬᯝᯉ᯲ ᯑᯬ ᯉᯘᯩᯑ ᯉ ᯑᯮᯀ

Ia dung magodang ma si Aji Panungkunan, didok raja i ma tu Datu Pamurnas

ᯤᯀ ᯑᯮᯰ ᯔᯎᯬᯑᯰ ᯔ ᯘᯪ ᯀᯐᯪ ᯇᯉᯮᯰᯂᯮᯉᯉ᯲ ᯑᯪᯑᯂᯬ᯲ ᯒᯐ ᯤ ᯔ ᯖᯮ ᯑᯖᯮ ᯇᯔᯒᯮ᯲ᯉᯘ᯲

Sai boan ma si Aji Panungkunan i donganmu, molo laho ho mangubati tu huta ni deba. 

ᯘᯤ ᯅᯬᯀᯉ᯲ ᯔ ᯘᯪ ᯀᯐᯪ ᯇᯉᯮᯰᯂᯮᯉᯉ᯲ ᯤ ᯑᯬᯝᯉ᯲ᯔᯰ ᯔᯬᯞᯬ ᯞᯂᯬ ᯂᯬ ᯔᯝᯮᯅᯖᯪ ᯖᯮ ᯂᯮᯖ ᯉᯪ ᯑᯩᯅ

Sai bahen ma ibana antong songon naposom. 

ᯘᯤ ᯅᯂᯉᯩ᯲ ᯔ ᯤᯅᯉ ᯀᯉ᯲ᯖᯰᯬ ᯘᯬᯝᯉᯬ᯲ ᯉᯇᯬᯘᯔᯬ᯲

Unang diboto muse mangalului harajaon di huta on. 

ᯥᯉᯰ ᯑᯪᯅᯬᯖᯬ ᯔᯮᯘᯩ ᯔᯝᯞᯮᯞᯮᯤ ᯂᯒᯐᯀᯉᯬ᯲ ᯑᯪ ᯂᯮᯖ ᯀᯉᯬ᯲

So tung gabe alongku muse ibana!

ᯘᯬ ᯖᯮᯰ ᯎᯅᯩ ᯀᯞᯰᯬᯂᯮ ᯔᯮᯘᯩ ᯤᯅᯉ

Na uli ma i rajanami! Sai hupaboanboan pe ibana manang tu dia ahu laho mangubati. 

ᯉ ᯥᯞᯪ ᯔ ᯤ ᯒᯐᯉᯔᯪ ᯘᯤ ᯂᯮᯇᯅᯬᯀᯉ᯲ᯅᯬᯀᯉ᯲ ᯇᯩ ᯤᯅᯉ ᯔᯉᯰ ᯖᯮ ᯑᯪᯀ ᯀᯂᯮ ᯞᯂᯬ ᯔᯝᯮᯅᯖᯪ

Asa lalap ibana antong

ᯀᯘ ᯞᯞᯇ᯲ ᯤᯅᯉ ᯀᯉ᯲ᯖᯰᯬ

Unang pola diantoi angka pangisi ni huta on. 

ᯥᯉᯰ ᯇᯬᯞ ᯑᯪᯀᯉ᯲ᯖᯬᯤ ᯀᯰᯂ ᯇᯝᯪᯘᯪ ᯉᯪ ᯂᯮᯖ ᯀᯉᯬ᯲

Pos ma roha ni raja i!" ninna Datu Pamurnas

ᯇᯘᯬ᯲ ᯔ ᯒᯬᯂ ᯉᯪ ᯒᯐ ᯤ ᯉᯉᯪ᯲ᯉ ᯑᯖᯮ ᯇᯔᯒᯮ᯲ᯉᯘ᯲

Asa songon-songon i ma dibahen tu si Aji Panungkunan. 

ᯀᯘ ᯘᯬᯝᯉᯬ᯲ᯘᯬᯝᯉᯬ᯲ ᯤ ᯔ ᯑᯪᯅᯂᯉᯩ᯲ ᯖᯮ ᯘᯪ ᯀᯐᯪ ᯇᯉᯮᯰᯂᯮᯉᯉ᯲

Sai diboan Datu Pamurnas ma ibana donganna mardalani, jumpa laho mambahen ubat. 

ᯘᯤ ᯑᯪᯅᯬᯀᯉ᯲ ᯑᯖᯮ ᯇᯔᯒᯮ᯲ᯉᯘ᯲ ᯔ ᯤᯅᯉ ᯑᯬᯝᯉ᯲ᯉ ᯔᯒ᯲ᯑᯞᯉᯪ ᯐᯔᯮ᯲ᯇ ᯞᯂᯬ ᯔᯔ᯲ᯅᯂᯉᯩ᯲ ᯥᯅᯖ᯲

Sai disuru muse ma ibana mamulungi ubat; tung songon naposo ni datu i nama ibana diida angka na di huta i. 

ᯘᯤ ᯑᯪᯘᯮᯒᯮ ᯔᯮᯘᯩ ᯔ ᯤᯅᯉ ᯔᯔᯮᯞᯮᯝᯪ ᯥᯅᯖ᯲ ᯖᯮᯰ ᯘᯬᯝᯉᯬ᯲ ᯉᯇᯬᯘᯬ ᯉᯪ ᯑᯖᯮ ᯤ ᯉᯔ ᯤᯅᯉ ᯑᯪᯤᯑ ᯀᯰᯂ ᯉ ᯑᯪ ᯂᯮᯖ ᯤ

Dao ma di roha ni na deba, na hea do raja amana.

ᯑᯀᯬ ᯔ ᯑᯪ ᯒᯬᯂ ᯉᯪ ᯉ ᯑᯩᯅ ᯉ ᯂᯩᯀ ᯑᯬ ᯒᯐ ᯀᯔᯉ

Dung i muse sai holan na ngalutan do pangisi ni huta i mulaulaon, sai holan na hurangan do ganup taon. 

ᯑᯮᯰ ᯤ ᯔᯮᯘᯩ ᯘᯤ ᯂᯬᯞᯉ᯲ ᯉ  ᯝᯞᯮᯖᯉ᯲ ᯑᯬ ᯇᯝᯪᯘᯪ ᯉᯪ ᯂᯮᯖᯤ ᯔᯮᯞᯥᯞᯀᯉᯬ᯲ ᯘᯤ ᯂᯬᯞᯉ᯲ ᯉ ᯂᯮᯒᯝᯉ᯲ ᯑᯬ ᯎᯉᯇᯮ᯲ ᯖᯀᯉᯬ᯲

Nunga nian mapukpuk holi-holi nasida, sai sogot do tu balian, jala sai potang ari mulak tu huta, alai so ada tarida na hinalojahon.

ᯉᯮᯝ ᯉᯪᯀᯉ᯲ ᯔᯇᯂᯮ᯲ᯇᯂᯮ᯲ ᯂᯬᯞᯪᯂᯬᯞᯪ ᯉᯘᯪᯑ ᯘᯤ ᯘᯬᯎᯖᯬ᯲ ᯑᯬ ᯖᯮ ᯅᯞᯪᯀᯉ᯲ ᯐᯞ ᯘᯤ ᯇᯬᯖᯰ ᯀᯒᯪ ᯔᯮᯞᯂ᯲ ᯖᯮ ᯂᯮᯖ ᯀᯞᯤ ᯘᯬ ᯀᯑ ᯖᯒᯪᯑ ᯉ ᯂᯪᯉᯞᯬᯐᯂᯉᯬ᯲

Anggo didok na deba na adong do na so sintong di huta i, umbahen so adong sinur na pinahan, so adong gabe na niula. 

ᯀᯰᯎᯬ ᯑᯪᯐᯂᯬ᯲ ᯉ ᯑᯩᯅ ᯉ ᯀᯑᯰᯬ ᯉ ᯘᯬ ᯘᯉᯪ᯲ᯖᯰᯬ ᯑᯪ ᯂᯮᯖ ᯤ ᯀᯔᯮ᯲ᯅᯂᯉᯩ᯲ ᯘᯬ ᯀᯑᯰᯬ ᯘᯪᯉᯒᯮ᯲ ᯉ ᯇᯪᯉᯂᯉ᯲ ᯘᯬ ᯀᯑᯰᯬ ᯎᯅᯩ ᯉ ᯉᯪ ᯥᯞ

Asa nang pe naung lam magodang si Aji Panungkunan, lam tang pamatangna, dang adong manang ise na olo manaringoti harajaon ni amana.

ᯀᯘ ᯉᯰ ᯇᯩ ᯉᯀᯮᯰ ᯞᯔ᯲ ᯔᯎᯬᯑᯰ ᯘᯪ ᯀᯐᯪ ᯇᯉᯮᯰᯂᯮᯉᯉ᯲ ᯞᯔ᯲ ᯖᯰᯇᯔᯖᯰᯉ ᯑᯰ ᯀᯑᯰᯬ ᯔᯉᯰ ᯤᯘᯩ ᯉ ᯀᯬᯞᯬ ᯔᯉᯒᯪᯝᯬᯖᯪ ᯂᯒᯐᯀᯉᯬ᯲ ᯉᯪ ᯀᯔᯉ

Dongan-dongan ni Datu Pamurnas do si Aji Panungkunan, sisuru-suruonna; ba i ma tusi! ninna roha ni angka pangisi ni huta i, songon halak na mandate. 

ᯑᯬᯝᯉ᯲ᯑᯬᯝᯉ᯲ ᯉᯪ ᯑᯖᯮ  ᯇᯔᯒᯮ᯲ᯉᯘ᯲ ᯑᯬ ᯘᯪ ᯀᯐᯪ ᯇᯉᯮᯰᯂᯮᯉᯉ᯲ ᯘᯪ ᯘᯮᯒᯮᯘᯮᯒᯮᯀᯉᯬ᯲ᯉ ᯅ ᯤ ᯔ ᯖᯮᯘᯪ ᯉᯉᯪ᯲ᯉ ᯒᯬᯂ ᯉᯪ ᯀᯰᯂ ᯇᯝᯪᯘᯪ ᯉᯪ ᯂᯮᯖ ᯤ ᯘᯬᯝᯉᯬ᯲ ᯂᯞᯂ᯲ ᯉ ᯔᯉ᯲ᯑᯖᯩ

Molo gok sarindan tutu di dangka ni unte, dang tarida be bulung ni unte i. 

ᯔᯬᯞᯬ ᯎᯂᯬ᯲ ᯘᯒᯉᯪ᯲ᯑᯉ᯲ ᯖᯮᯖᯮ ᯑᯪ ᯑᯰᯂ ᯉᯪ ᯀᯉᯮ᯲ᯖᯩ ᯑᯰ ᯖᯒᯪᯑ ᯅᯩ ᯅᯮᯞᯮᯰ ᯉᯪ ᯀᯉᯮ᯲ᯖᯩ ᯤ

I ma na masa di huta Dolok Pargarutan.

ᯤ ᯔ ᯉ ᯔᯘ ᯑᯪ ᯂᯮᯖ ᯑᯬᯞᯂᯬ᯲ ᯇᯒ᯲ᯎᯒᯮᯖᯉ᯲