ᯖᯮᯒᯪᯖᯮᯪᯀᯉ᯲ ᯉᯪ ᯘᯪ ᯀᯐᯪ ᯇᯉᯰᯮᯄ᯦ᯮᯉᯉ᯲ Turi-turian ni si Aji Panungkunan Turpuk Pasampuluonomhon (Pangke Android)

Dung borhat Raja Sohuturon Dolok rap dohot angka paranganna tu Lobu Namaduma, marpungu ma bodarina i di bagas ni ina ni si Aji Panungkunan Jaho manghata-hatai, i ma ulubalang Partahan Soaloon, anggina si Paralamat dohot Datu Bolon Paniop Pagar? ᯑᯮᯰ ᯅᯒᯬ᯲ᯂᯖ᯲ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯒᯇ᯲ ᯑᯬᯂᯖᯬ᯲ ᯀᯰᯄ᯦ ᯇᯒᯝᯉ᯲ᯉ ᯖᯮ ᯞᯬᯅᯮ ᯉᯔᯑᯮᯔ ᯔᯒ᯲ᯇᯮᯑᯮ ᯲ ᯅᯬᯑᯝᯪᯉ ᯤ ᯑᯪ ᯅᯎᯘ᯲ ᯉᯪ ᯤᯉ ᯉᯪ ᯀᯐᯪ ᯇᯉᯮᯰᯄᯮᯉᯉ᯲ ᯞᯂᯬ ᯔᯰᯂᯖᯂᯖᯤ ᯤ ᯔ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯀᯰᯎᯪᯉ ᯘᯪ ᯇᯒᯞᯔᯖ᯲ ᯑᯬᯂᯖᯬ᯲ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲

Godang antong sitaringotan nasida, songon i nang sihataan taringot tu parborhatnasida tu gondang sipatupaon ni Raja Sohuturon Dolok. ᯎᯬᯑᯰ ᯀᯉ᯲ᯖᯰᯬ ᯘᯪᯖᯒᯪᯝᯬᯖᯉ᯲ ᯉᯘᯪᯑ ᯘᯬᯝᯉᯬ᯲ ᯤ ᯉᯰ ᯘᯪᯂᯖᯀᯉ᯲ ᯖᯒᯪᯝᯖᯬ᯲ ᯖᯮ ᯇᯒ᯲ᯅᯒᯬ᯲ᯂᯖ᯲ᯉᯘᯪᯑ ᯖᯪ ᯎᯉᯬ᯲ᯑᯰ ᯘᯪᯇᯖᯮᯇᯀᯉᯬ᯲ ᯉᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲

Jadi ninna ina ni si Aji Panungkunan ma, Olo da angka amang! Nunga tung mansai las rohangku, tung songon na marnipi nama sipata huhilala dung didok Raja Sohuturon Dolak na gabe helana ma hape anakku si Aji Panungkunan on! ᯐᯑᯪ ᯉᯉᯬ᯲ᯉ ᯤᯉ ᯉᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯔ ᯀᯬᯞᯬ ᯑ ᯀᯰᯄ᯦ ᯀᯔᯰ ᯉᯮᯝ ᯖᯮᯰ ᯔᯉ᯲ᯘᯤ ᯞᯘ᯲ ᯒᯬᯂᯰᯄ᯦ᯮ ᯖᯮᯰ ᯘᯬᯝᯉᯬ᯲ ᯉ ᯔᯒ᯲ᯉᯪᯇᯪ ᯉᯔ ᯘᯪᯇᯖ ᯂᯮᯂᯪᯞᯞ ᯑᯮᯰ ᯑᯪᯑᯄ᯦ᯬ᯲ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯉ ᯎᯅᯩ ᯂᯩᯞᯉ ᯔ ᯂᯇᯩ ᯀᯉᯄ᯦᯲ᯄ᯦ᯮ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯀᯉᯬ᯲

Alai angka amang, ba diboto hamu do na so ada arta hupeop.ᯀᯞᯤ ᯀᯰᯄ᯦ ᯀᯔᯰ ᯅ ᯑᯪᯅᯬᯖᯬ ᯂᯔᯮ ᯑᯬ ᯉ ᯘᯬᯀᯑ ᯀᯒ᯲ᯖ ᯂᯮᯇᯩᯀᯇᯬ᯲

Aha ma patupaon tu ulaon i, ninna rohangku. Beha ma bahenonta mandapothon raja i tu hutanasida? ᯀᯂ ᯔ ᯇᯖᯮᯇᯘᯉᯬ᯲ ᯖᯮ ᯥᯞᯀᯉᯬ᯲ ᯤ ᯉᯉᯪ᯲ᯉ ᯒᯬᯂᯰᯄ᯦ᯮ ᯅᯩᯂ ᯔ ᯅᯂᯩᯉᯉᯬ᯲ᯖ ᯔᯉ᯲ᯑᯇᯖᯬ᯲ᯂᯉᯬ᯲ ᯒᯐ ᯤ ᯖᯮ ᯂᯪᯖ ᯘᯪᯑ

Anggo i ba inang, ndang pola sarihononmu i. Tuk do i sude bahenon ni raja i! ninna si Aji Panungkunan. ᯀᯰᯎᯬ ᯤ ᯅ ᯤᯉᯰ ᯉ᯲ᯑᯰ ᯇᯬᯞ ᯘᯒᯪᯂᯬᯉᯉᯬ᯲ᯔᯮ ᯤ ᯖᯄ᯦ᯮ᯲ ᯑᯬ ᯤ ᯘᯮᯑᯩ ᯅᯂᯩᯉᯉᯬ᯲ ᯉᯪ ᯒᯐ ᯤ ᯉᯉᯪ᯲ᯉ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Tutu do i nian, alai naeng do tutu adong di hita sian huta on, sibahenon tu pesta i, agia pe so godang! ninna si Paralamat. ᯖᯮᯖᯮ ᯑᯬ ᯉᯪᯀᯉ᯲ ᯀᯞᯤ ᯉᯀᯰᯩ ᯑᯬ ᯖᯮᯖᯮ ᯀᯑᯰᯬ ᯑᯪ ᯂᯪᯎ ᯘᯪᯀᯉ᯲ ᯂᯮᯖ ᯀᯉᯬ᯲ ᯘᯪᯅᯂᯩᯉᯉᯬ᯲ ᯖᯮ ᯇᯘᯩ᯲ᯖ ᯤ ᯀᯎᯪᯀ ᯇᯩ ᯘᯬ ᯎᯬᯑᯰ ᯉᯉᯪ᯲ᯉ ᯘᯪ ᯇᯒᯞᯔᯖ᯲

Dung i bagas borngin ma, laho be ma nasida modom tu bagasna. ᯑᯮᯰ ᯤ ᯅᯎᯘ᯲ ᯅᯎᯘ᯲ ᯅᯒᯬᯝᯉᯪ᯲ ᯔ ᯞᯂᯬ ᯅᯩ ᯔ ᯉᯘᯪᯑ ᯔᯬᯑᯔᯬ᯲ ᯖᯮ ᯅᯎᯘ᯲ᯉ

Jadi marnipi ma ulubalang Partahan Soaloon bornginna i. ᯐᯑᯪ ᯔᯒ᯲ᯉᯪᯇᯪ ᯔ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯅᯒᯬᯝᯉᯪ᯲ᯉ ᯤ

Ro ma sada natuatua di nipina i tu ibana jala didok ma, Nunga diida ho jala dibege ho do baganding tua i mangalehon poda tu ho taringot tu sibahenonmu laho mangurupi si Aji Panungkunan. ᯒᯬ ᯔ ᯘᯑ ᯉᯖᯮᯀᯖᯮᯀ ᯑᯪ ᯉᯪᯇᯪᯉ ᯤ ᯖᯮ ᯤᯅᯉ ᯐᯞ ᯑᯪᯑᯄᯬ᯲ ᯔ ᯉᯮᯝ ᯑᯪᯤᯑ ᯂᯬ ᯐᯞ ᯑᯪᯅᯩᯎᯩ ᯂᯬ ᯑᯬ ᯅᯎᯉ᯲ᯑᯰᯪ ᯖᯮᯀ ᯤ ᯔᯝᯞᯩᯂᯉᯬ᯲ ᯇᯬᯑ ᯖᯮ ᯂᯬ ᯖᯒᯪᯝᯖᯬ᯲ ᯖᯮ ᯘᯪᯅᯂᯩᯉᯉᯬ᯲ᯔᯮ ᯞᯂᯬ ᯔᯝᯮᯒᯮᯇᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Laho ma ho tu inganan ni ulok baganding tua i, jala boan ma haen na bontar; boan nang napuran na niatupan pitu hibung. ᯞᯂᯬ ᯔ ᯂᯬ ᯖᯮ ᯤᯝᯉᯉ᯲ ᯉᯪ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ ᯐᯞ ᯅᯬᯀᯉ᯲ ᯔ ᯂᯀᯉᯩ᯲ ᯉ ᯅᯉᯞ᯲ᯖᯒ᯲ ᯅᯬᯀᯉ᯲ ᯉᯰ ᯉᯇᯮᯒᯉ᯲. ᯉ ᯉᯪᯀᯖᯮᯇᯉ᯲ ᯇᯪᯖᯮ ᯂᯪᯅᯮᯰ

Peakkon ma napuran i di ginjang ni haen na bontar i. ᯇᯩᯀᯄ᯦᯲ᯄ᯦ᯉᯬ᯲ ᯔ ᯉᯇᯮᯒᯉ᯲ ᯤ ᯑᯪ ᯎᯉᯪ᯲ᯐᯰ ᯉᯪ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ

Paboaonna do disi manang aha muse sibahenonmuna! ᯇᯅᯬᯀᯀᯉᯬ᯲ᯉ ᯑᯬ ᯑᯪᯘᯪ ᯔᯉᯰ ᯀᯂ ᯔᯮᯘᯩ ᯘᯪᯅᯂᯩᯉᯉᯬᯔᯮᯉ

Manogotna i marpungu ma muse nasida di bagas ni halak si Aji Panungkunan, jadi dipaboa ulubalang i ma nipina i tu nasida. ᯔᯉᯬᯎᯖᯬ᯲ᯉ ᯤ ᯔᯒ᯲ᯇᯮᯝᯮ ᯔ ᯔᯮᯘᯩ ᯉᯘᯪᯑ ᯑᯪ ᯅᯎᯘ᯲ ᯉᯪ ᯂᯞᯄ᯦᯲ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯐᯑᯪ ᯑᯪᯇᯅᯬᯀ ᯥᯞᯮᯅᯞᯰ ᯤ ᯔ ᯉᯬᯇᯪᯉ ᯤ ᯖᯮ ᯉᯘᯪᯑ

Dung i didok Datu Bolon Paniop Pagar ma, Nunga tung uli non i. ᯑᯮᯰ ᯤ ᯑᯪᯑᯄ᯦ᯬ᯲ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲ ᯔ ᯉᯮᯝ ᯖᯮᯰ ᯀᯞᯪ ᯉᯉᯬ᯲ ᯤ

Tapatupa ma tutu songon na nidok ni natua-tua na di nipimi! ninna mandok ulubalang i. ᯖᯇᯖᯮᯇ ᯔ ᯖᯮᯖᯮ ᯘᯬᯝᯉᯬ᯲ ᯉ ᯉᯪᯑᯄ᯦ᯬ᯲ ᯉᯪ ᯉᯖᯮᯀᯖᯮᯀ ᯉ ᯑᯪ ᯉᯪᯇᯪᯔᯪ ᯉᯉᯪ᯲ᯉ ᯔᯉ᯲ᯑᯄ᯦ᯬ᯲ ᯥᯞᯮᯅᯞᯰ ᯤ

Dibuat nasida ma tutu haen na bontar, diatupi ma napuran pitu hibung, dung i borhat ma nasida. ᯑᯪᯅᯮᯀᯖ᯲ ᯉᯘᯪᯑ ᯔ ᯖᯮᯖᯮ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯑᯪᯀᯖᯮᯇᯪ ᯔ ᯉᯇᯮᯒᯉ᯲ ᯇᯪᯖᯮ ᯂᯪᯅᯮᯰ. ᯑᯮᯰ ᯤ ᯅᯒᯬ᯲ᯂᯖ᯲ ᯔ ᯉᯘᯪᯑ

Di tongan dalan disungkun Datu Bolon i ma, Ai beha do umbahen na pajumpang ho ale ulubalang dohot ulok baganding tua i? ᯑᯪ ᯖᯬᯝᯉ᯲ ᯑᯞᯉ᯲ ᯑᯪᯘᯮᯰᯄ᯦ᯉᯮ᯲ ᯑᯖᯮ ᯅᯞᯞᯉᯞ᯲ ᯔ ᯀᯤ ᯅᯬᯂ ᯑᯬ ᯀᯔᯮ᯲ᯅᯂᯉᯩ᯲ ᯉ ᯇᯐᯔᯮ᯲ᯇᯰ ᯂᯬ ᯀᯞᯩ ᯥᯞᯮᯅᯞᯰ ᯑᯬᯂᯖᯬ᯲ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ

Jadi didok ulubalang Partahan Soaloon ma, Songon on do pangalahona, ompung Datu Bolon. ᯐᯑᯪ ᯑᯪᯑᯄ᯦ᯬ᯲ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯔ ᯘᯬᯝᯉᯬ᯲ ᯀᯉᯬ᯲ ᯑᯬ ᯇᯝᯞᯂᯬᯉ ᯀᯔᯬ᯲ᯇᯮᯰ ᯑᯖᯮ ᯅᯬᯞᯉᯬ᯲

Dipaboa si Paralamat on tu ahu, na diihut-ihut Raja Parbaliung di ramba parburuan sian pudi ; diida ma ninna antong, dibingkas raja na maporus i bodilna. ᯑᯪᯇᯅᯬᯀ ᯘᯪ ᯇᯒᯞᯔᯖᯔ ᯀᯉᯬ᯲ ᯖᯮ ᯀᯂᯮ ᯉ ᯑᯪᯤᯂᯖᯮ᯲ᯤᯂᯖᯮ᯲ ᯒᯐ ᯇᯒ᯲ᯅᯞᯪᯀᯮᯰ ᯑᯪ ᯒᯔ᯲ᯅ ᯇᯒ᯲ᯅᯮᯒᯮᯀᯉ᯲ ᯘᯪᯀᯉ᯲ ᯇᯮᯑᯪ ᯑᯪᯤᯑ ᯔ ᯉᯉᯪ᯲ᯉ ᯀᯉ᯲ᯖᯰᯬ ᯑᯪᯅᯰᯪᯄᯘ᯲ ᯒᯐ ᯉ ᯔᯇᯬᯒᯘᯐ ᯤ ᯅᯬᯑᯞᯪ᯲ᯉ

Dung dibingkas marlojongi ma Raja Parbaliung mangaliluhon langkana. ᯑᯮᯰ ᯑᯪᯅᯰᯪᯄ᯦ᯘ᯲ ᯔᯒ᯲ᯞᯬᯐᯬᯝᯪ ᯔ ᯒᯐ ᯇᯒ᯲ᯅᯞᯪᯀᯮᯰ ᯔᯝᯞᯪᯞᯮᯂᯉᯬ᯲ ᯞᯰᯄ᯦ᯉ

Jadi dipamanat si Paralamat on ma dompak da piruru i mangonai. ᯐᯑᯪ ᯑᯪᯇᯔᯉᯖ᯲ ᯘᯪ ᯇᯒᯞᯔᯖ᯲ ᯀᯉᯬ᯲ ᯔ ᯑᯔᯬ᯲ᯇᯄ᯦᯲ ᯉ ᯇᯪᯒᯮᯒᯮ ᯤ ᯔᯝᯬᯉᯤ

Disisipi ma tutu nanget-nanget songon panisipi ni babiat. ᯑᯪᯘᯪᯘᯪᯇᯪ ᯔ ᯖᯮᯖᯮ ᯉᯝᯖᯩ᯲ᯉᯝᯖᯩ᯲ ᯘᯬᯝᯉᯬ᯲ ᯇᯉᯪᯘᯪᯇᯪ ᯉᯪ ᯅᯅᯪᯀᯖ᯲

Ba dapotsa ma si Aji Panungkunan on tungkap di tano i. ᯅ ᯑᯇᯖᯬ᯲ᯘ ᯔ ᯘᯪ ᯀᯐᯪ ᯇᯉᯮᯰᯄᯮᯉᯉ᯲ ᯀᯉᯬ᯲ ᯖᯮᯰᯄ᯦ᯇ᯲ ᯑᯪ ᯖᯉᯬ ᯤ

Songon na so bolas huhaporseai na nidokna i; gabe didok anggingkon ma, Agia dipatolon ho manang tu begu dia ahu , ba rade do ahu mangkajongjongkon i! ninna. ᯘᯬᯝᯉᯬ᯲ ᯉ ᯘᯬ ᯅᯬᯞᯘ᯲ ᯂᯮᯂᯇᯒᯬ᯲ᯘᯩᯀᯐ ᯉ ᯉᯪᯑᯂᯬ᯲ᯉ ᯤ ᯎᯅᯩ ᯑᯪᯑᯄᯬ᯲ ᯀᯰᯎᯰᯪᯄᯉᯬ᯲ ᯔ ᯀᯎᯪᯀ ᯑᯪᯇᯖᯬᯞᯉᯬ᯲ ᯂᯬ ᯔᯉᯰ ᯖᯮ ᯅᯩᯎᯮ ᯑᯪᯀ ᯀᯂᯮ ᯅ ᯒᯑᯩ ᯑᯬ ᯀᯂᯮ ᯔᯰᯄᯐᯰᯬᯐᯰᯬᯄ᯦ᯉᯬ᯲ ᯤ

Dung i ruar ma sada ulok baganding tua sian toru ni urat-urat ni hau i, ba mangkuling ma ulok baganding tua i, didok ma, Tutu do i na nidok ni anggimi ale ulubalang Partahan Soaloon. ᯑᯮᯰ ᯤ ᯒᯮᯀᯒ᯲ ᯔ ᯘᯑ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯘᯪᯀᯉ᯲ ᯖᯬᯒᯮ ᯉᯪ ᯥᯒᯖ᯲ᯥᯒᯖ᯲ ᯉᯪ ᯂᯥ ᯤ ᯅ ᯔᯰᯄ᯦ᯮᯞᯰᯪ ᯔ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ ᯑᯪᯑᯄ᯦ᯬ᯲ ᯔ ᯖᯮᯖᯮ ᯑᯬ ᯤ ᯉ ᯉᯪᯑᯄ᯦ᯬ᯲ ᯉᯪ ᯀᯰᯎᯪᯔᯪ ᯀᯞᯩ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲

Dang adong gabus di hatana i! ᯑᯰ ᯀᯑᯰᯬ ᯎᯅᯘᯮ᯲ ᯑᯪ ᯂᯖᯉ ᯤ

Jadi hudok ma, Nunga dohot ho hape ompung mandok songon na binaritahon ni anggingki? Ala ni jorbutna do, umbahen songon na so porsea ahu ! ᯐᯑᯪ ᯂᯮᯑᯄ᯦ᯬ᯲ ᯔ ᯉᯮᯝ ᯑᯬᯐᯖᯬ᯲ ᯂᯬ ᯂᯇᯩ ᯀᯔᯬ᯲ᯇᯮᯰ ᯔᯉ᯲ᯑᯄ᯦ᯬ᯲ ᯘᯬᯝᯉᯬ᯲ ᯉ ᯅᯪᯉᯒᯪᯖᯂᯉᯬ᯲ ᯉᯪ ᯀᯰᯎᯄ᯦ᯪ᯲ᯄ᯦ᯮ ᯀᯞ ᯉᯪ ᯐᯒᯬ᯲ᯅᯖᯮ᯲ ᯉ ᯑᯬ ᯀᯔᯮ᯲ᯅᯂᯉᯩ᯲ ᯘᯬᯝᯉᯬ᯲ ᯉ ᯘᯬ ᯇᯒᯬ᯲ᯘᯩᯀ ᯀᯂᯮ

Dung i didok ulok baganding tua i ma muse, Na so matanggak di bohi do ho, ale ulubalang! ᯑᯮᯰ ᯤ ᯑᯪᯑᯄ᯦ᯬ᯲ ᯥᯞᯄ᯦ᯬ᯲ ᯉᯂᯉ᯲ᯑᯰᯪ ᯖᯮᯀ ᯤ ᯔ ᯔᯮᯘᯩ ᯉ ᯘᯬ ᯔᯖᯰᯎᯄ᯦᯲ ᯑᯪ ᯅᯬᯂᯪ ᯑᯬ ᯂᯬ ᯀᯞᯩ ᯥᯞᯮᯅᯞᯰ

Urupi ma si Aji Panungkunan i, asa gabe bangkit raja ibana. lngkon tu ibana do pampe harajaon ni amana! ninna. ᯥᯒᯮᯇᯪ ᯔ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯤ ᯀᯘ ᯎᯅᯩ ᯅᯰᯄ᯦ᯖᯪ᯲ ᯒᯐ ᯤᯅᯉ ᯀᯰᯪᯄ᯦ᯉᯬ᯲ ᯖᯮ ᯤᯅᯉ ᯑᯬ ᯇᯔ᯲ᯇᯩ ᯂᯒᯐᯀᯉᯬ᯲ ᯉᯪ ᯀᯔᯉ ᯉᯉᯪ᯲ᯉ

Jadi hualusi ma tutu, Anggo songon i nimmu ale ompung, patupaonnami ma na nidokmi. ᯐᯑᯪ ᯂᯮᯀᯞᯮᯘᯪ ᯔ ᯖᯮᯖᯮ ᯀᯰᯎᯬ ᯘᯬᯝᯉᯬ᯲ ᯤ ᯉᯉᯪ᯲ᯔᯮ ᯀᯞᯩ ᯀᯔᯬ᯲ᯇᯮᯰ ᯇᯖᯮᯇᯀᯉᯬ᯲ᯉᯔᯪ ᯔ ᯉ ᯉᯪᯝᯄ᯦ᯬ᯲ᯔᯪ

Dang olo be hami marrajahon raja na mangulahon na so uhum. ᯑᯰ ᯀᯬᯞᯬ ᯅᯩ ᯂᯔᯪ ᯔᯒ᯲ᯒᯐᯂᯉᯬ᯲ ᯒᯐ ᯉ ᯔᯝᯮᯞᯂᯉᯬ᯲ ᯉ ᯘᯬ ᯥᯂᯔᯮ᯲

Ba i ma da ompung Datu Bolon, pangkataionnami dohot ulok baganding tua i. ᯅ ᯤ ᯔ ᯑ ᯀᯔᯬ᯲ᯇᯮᯰ ᯑᯖᯮ ᯅᯬᯞᯉᯬ᯲ ᯇᯰᯄ᯦ᯖᯤᯀᯉᯬ᯲ᯉᯔᯪ ᯑᯬᯂᯖᯬ᯲ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ

Ba nunga tung denggan sude hubege! ninna Datu Bolon i. ᯅ ᯉᯮᯝ ᯖᯮᯰ ᯝᯰᯩᯎᯉ᯲ ᯘᯮᯑᯩ ᯂᯮᯅᯩᯎᯩ ᯉᯉᯪ᯲ᯉ ᯝᯖᯮ ᯅᯬᯞᯉᯬ᯲ ᯤ

Dung i sahat ma nasida tu hau inganan ni ulok baganding tua i. ᯑᯮᯰ ᯤ ᯘᯂᯖ᯲ ᯔ ᯉᯘᯪᯑ ᯖᯮ ᯂᯥ ᯤᯝᯉᯉ᯲ ᯉᯪ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ

Dipaherbang Datu Bolon i ma haen na bontar i di tom ni hau i; dung i dipeakkon ma napuran na niatupan i diginjangna i. ᯑᯪᯇᯂᯒᯩ᯲ᯅᯰ ᯑᯖᯮ ᯅᯬᯞᯉᯬ᯲ ᯤ ᯲ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ ᯑᯪ ᯖᯬᯒᯮ ᯉᯪ ᯂᯥ ᯤ ᯑᯮᯰ ᯤ ᯑᯪᯇᯩᯀᯄ᯦᯲ᯂᯉᯬ᯲ ᯔ ᯉᯇᯮᯒᯉ᯲ ᯉ ᯉᯪᯀᯖᯮᯇᯉ᯲ ᯤ ᯑᯪ ᯎᯉᯪ᯲ᯐᯰᯉ ᯤ

Jadi didok ma, Olo da ompung! Nunga dison hami, nunga saut dipatupa ulubalang Partahan Soaloon na nidokmi. ᯐᯑᯪ ᯑᯪᯑᯄ᯦ᯬ᯲ ᯔ ᯀᯬᯞᯬ ᯑ ᯀᯔᯬ᯲ᯇᯮᯰ ᯉᯮᯝ ᯑᯪᯘᯉᯬ᯲ ᯂᯔᯪ ᯉᯮᯝ ᯘᯀᯖᯮ᯲ ᯑᯪᯇᯖᯮᯇ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯉ ᯉᯪᯑᯄ᯦ᯬ᯲ᯔᯪ

Nunga maporus Raja Parbaliung tumadingkon Dolok Pargarutan. ᯉᯮᯑ ᯔᯇᯬᯒᯘᯮ᯲ ᯒᯐ ᯇᯒ᯲ᯅᯞᯪᯀᯮᯰ ᯖᯮᯔᯑᯰᯪᯄ᯦ᯉᯬ᯲ ᯑᯬᯞᯄ᯦ᯬ᯲ ᯇᯒ᯲ᯎᯒᯮᯖᯉ᯲

Nunga ro Raja Sohuturon Dolok mambahen harungguan. ᯉᯮᯝ ᯒᯬ ᯒᯐ ᯑᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯔᯔ᯲ᯅᯂᯉᯩ᯲ ᯂᯒᯮᯰᯎᯮᯀᯉ᯲

Saut ma na nidokmi, pampe ma harajaon ni amana tu si Aji Panungkunan. ᯘᯀᯖᯮ᯲ ᯔ ᯉ ᯉᯪᯑᯄ᯦᯲ᯔᯪ ᯇᯔ᯲ᯇᯩ ᯔ ᯂᯒᯐᯀᯔᯬ᯲ ᯉᯪ ᯀᯔᯉ ᯖᯮ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Unang adong be da ompung na alang-alang di utara dohot purba, di dangsina dohot di pastima, dao ma abat, dao ma bingkolang, bereng ma on da ompung! ᯥᯉᯰ ᯀᯑᯰᯬ ᯅᯩ ᯑ ᯘᯔᯬ᯲ᯇᯮᯰ ᯉ ᯀᯞᯰᯀᯞᯰ ᯑᯪ ᯥᯖᯒ ᯑᯬᯂᯖᯬ᯲ ᯇᯒᯮ᯲ᯅ ᯑᯪ ᯑᯰᯘᯪᯉ ᯑᯬᯂᯖᯬ᯲ ᯑᯪ ᯇᯘ᯲ᯖᯪᯔ ᯑᯀᯬ ᯔ ᯀᯅᯖ᯲ ᯑᯀᯬ ᯔ ᯅᯰᯪᯄ᯦ᯬᯞᯰ ᯅᯩᯒᯰᯩ ᯔ ᯀᯉᯬ᯲ ᯑ ᯀᯔᯬ᯲ᯇᯮᯰ

Dung i humaras ma tarbege, ruar ma ulok baganding tua sian toru ni angka uraturat ni hau i. ᯑᯮᯰ ᯤ ᯂᯮᯔᯒᯘ᯲ ᯔ ᯖᯒ᯲ᯅᯩᯎᯩ ᯒᯮᯀᯒ᯲ ᯔ ᯥᯞᯄ᯦᯲ ᯅᯎᯉ᯲ᯑᯰᯪ ᯖᯮᯀ ᯘᯪᯀᯉ᯲ ᯖᯬᯒᯮ ᯉᯪ ᯀᯰᯄ᯦ ᯥᯒᯖ᯲ᯥᯒᯖ᯲ ᯉᯪ ᯂᯥ ᯤ

Aha ma na niulamuna, umbahen na ro hamu tu inganankon? ninna ulok baganding tua i ma mandok tu nasida. ᯀᯂ ᯔ ᯉ ᯉᯪᯥᯞᯔᯮᯉ ᯀᯔᯮ᯲ᯅᯂᯉᯩ᯲ ᯉ ᯒᯬ ᯂᯔᯮ ᯖᯮ ᯤᯝᯉᯉ᯲ᯄ᯦ᯉᯬ᯲ ᯉᯉᯪ᯲ᯉ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ ᯔ ᯔᯉ᯲ᯑᯄ᯦ᯬ᯲ ᯖᯮ ᯉᯘᯪᯑ

Na marnipi do ahu da ompung, ba disuru sada natua-tua na di nipingki ma hami ro tuson mamboan haen na bontar dohot napuran na niatupan pitu hibung. ᯉ ᯔᯒ᯲ᯉᯪᯇᯪ ᯑᯬ ᯀᯂᯮ ᯑ ᯀᯔᯬ᯲ᯇᯮᯰ ᯅ ᯑᯪᯘᯮᯒᯮ ᯘᯑ ᯉᯖᯮᯀᯖᯮᯀ ᯉ ᯑᯪ ᯉᯪᯇᯰᯪᯄ᯦ᯪ ᯔ ᯂᯔᯪ ᯒᯬ ᯖᯮᯘᯉᯬ᯲ ᯔᯔ᯲ᯅᯬᯀᯉ᯲ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯑᯬᯂᯖᯬ᯲ ᯉᯇᯮᯒᯉ᯲ ᯉ ᯉᯪᯀᯖᯮᯇᯉ᯲ ᯇᯪᯖᯮ ᯂᯪᯅᯮᯰ

Didok natua-tua i, ba dison ma da ompung paboaonmu sibahenonnami! ninna ulubalang Partahan Soaloon. ᯑᯪᯑᯄ᯦ᯬ᯲ ᯉᯖᯮᯀᯖᯮᯀ ᯤ ᯅ ᯑᯪᯘᯉᯬ᯲ ᯔ ᯑ ᯀᯔᯬ᯲ᯇᯮᯰ ᯇᯅᯬᯀᯀᯉᯬ᯲ᯔᯮ ᯑᯪᯅᯂᯩᯉᯉᯬ᯲ᯉᯔᯪ ᯉᯉᯪ᯲ᯉ ᯦᯦ᯤᯞᯮᯮᯅᯞᯰ ᯇᯒ᯲ᯖᯂᯉ᯲ ᯘᯪᯀᯞᯬᯀᯉᯬ᯲

Na denggan ma i tutu; tinggalhon ma dison haen na bontar i, dohot napuran na niatupan na pitu hibung i Laho ma hamu jolo mulak tu huta. ᯉ ᯑᯰᯩᯎᯉ᯲ ᯔ ᯤ ᯖᯮᯖᯮ ᯖᯰᯪᯎᯞ᯲ᯂᯉᯬ᯲ ᯔ ᯑᯪᯘᯉᯬ᯲ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ ᯑᯬᯂᯖᯬ᯲ ᯉᯇᯮᯒᯉ᯲ ᯉ ᯉᯪᯀᯖᯮᯇᯉ᯲ ᯉ ᯇᯪᯖᯮ ᯂᯪᯅᯮᯰ ᯤ ᯞᯂᯬ ᯔ ᯂᯔᯮ ᯐᯬᯞᯬ ᯔᯮᯞᯄ᯦᯲ ᯖᯮ ᯂᯮᯖ

Alai manogot sogot ma hamu borhat sian huta tuson, di buhabuha ijuk. Disi tiur ingkon di toru ni hau on ma hamu ! ᯀᯞᯤ ᯔᯉᯬᯎᯖᯬ᯲ ᯘᯬᯎᯖᯬ᯲ ᯔ ᯂᯔᯮ ᯅᯒᯬ᯲ᯂᯖ᯲ ᯘᯪᯀ ᯂᯮᯖ ᯖᯮ ᯘᯉᯬ᯲ ᯑᯪ ᯅᯮᯂᯅᯮᯂ ᯥᯐᯄ᯦ᯮ᯲ ᯑᯪᯘᯪ ᯖᯪᯀᯒᯮ᯲ ᯀᯰᯪᯄ᯦ᯉᯬ᯲ ᯑᯪ ᯖᯬᯒᯮ ᯉᯪ ᯂᯥ ᯀᯉᯬ᯲ ᯔ ᯂᯔᯮ

Ba bereng hamu ma manang aha na hupeakkon di haen na bontar i! ninna ulok baganding tua i. ᯅ ᯅᯩᯒᯰᯩ ᯂᯔᯮ ᯔ ᯔᯉᯰ ᯀᯂ ᯉ ᯂᯮᯇᯩᯀᯄ᯦᯲ᯂᯉᯬ᯲ ᯑᯪ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ ᯉᯉᯪ᯲ᯉ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ

On ma dohononku tu ho ale Aji Panungkunan: Songon parbue ni hau, sai madekdek tu banana, Anak na denggan roha maniru, pangalaho ni amana! ᯀᯉᯬ᯲ ᯔ ᯑᯬᯂᯬᯉᯉᯬ᯲ᯄ᯦ᯮ ᯖᯮ ᯂᯬ ᯀᯞᯩ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯘᯬᯝᯉᯬ᯲ ᯇᯒ᯲ᯅᯮᯀᯩ ᯉᯪ ᯂᯥ ᯘᯤ ᯔᯑᯄᯩ᯲ᯑᯄᯩ᯲ ᯖᯮ ᯅᯬᯉᯉ ᯀᯉᯄ᯦᯲ ᯉ ᯑᯰᯩᯎᯉ᯲ ᯒᯬᯂ ᯔᯉᯪᯒᯮ ᯇᯝᯞᯂᯬ ᯉᯪ ᯀᯔᯉ

So tung manimbil ho sian pangalaho ni amanta, manang pangalaho ni Raja Sohuturon Dolak, na naeng simatuam. ᯘᯬ ᯖᯮᯰ ᯔᯉᯔᯪ᯲ᯅᯞᯪ᯲ ᯂᯬ ᯘᯪᯀᯉ᯲ ᯇᯝᯞᯂᯬ ᯉᯪ ᯀᯔᯉ᯲ᯖ ᯔᯉᯰ ᯇᯝᯞᯂᯬ ᯉᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯉ ᯉᯀᯰᯩ ᯘᯪᯔᯖᯮᯀᯔ᯲

Adong ma na tuat sian dolok, adong nanangkok sian toruan. ᯀᯑᯰᯬ ᯔ ᯉ ᯖᯮᯀᯖ᯲ ᯘᯪᯀᯉ᯲ ᯑᯬᯞᯄ᯦ᯬ᯲ ᯀᯑᯰᯬ ᯉ ᯉᯰᯄ᯦ᯄ᯦ᯬ᯲ ᯘᯪᯀᯉ᯲ ᯖᯬᯒᯮᯀᯉ᯲

Adong na ro sian habinsaran, adong na sian hasundutan, manumpak ma Na Martua Debata, Sai dilehon di ho pasu-pasuan. ᯀᯑᯰᯬ ᯉ ᯒᯬ ᯘᯪᯀᯉ᯲ ᯂᯅᯉᯪ᯲ᯘᯒᯉ᯲ ᯀᯑᯰᯬ ᯉ ᯘᯪᯀᯉ᯲ ᯂᯘᯉᯮ᯲ᯑᯮᯖᯉ᯲ ᯔᯉᯔᯮ᯲ᯇᯄ᯦᯲ ᯔ ᯉ ᯔᯒ᯲ᯖᯮᯀ ᯑᯩᯅᯖ ᯘᯤ ᯑᯪᯞᯩᯂᯉᯬ᯲ ᯑᯪ ᯂᯬ ᯇᯘᯮᯇᯘᯮᯀᯉ᯲

Songon i ma dohononku di ho ale Aji Panungkunan. Sai ingot ma i! ninna ulok baganding tua i. ᯘᯬᯝᯉᯬ᯲ ᯤ ᯔ ᯑᯬᯂᯬᯉᯉᯬ᯲ᯄ᯦ᯮ ᯑᯪ ᯂᯬ ᯀᯞᯩ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯘᯤ ᯤᯝᯖᯬ᯲ ᯲ ᯤ ᯉᯉᯪ᯲ᯉ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ

Olo ba ompung, sai ingotonku ma i! nmna si Aji Panungkunan mangalusi . ᯀᯬᯞᯬ ᯅ ᯀᯔᯬ᯲ᯇᯮᯰ ᯘᯤ ᯤᯝᯬᯖᯉᯬ᯲ᯄ᯦ᯮ ᯔ ᯤ ᯉᯉᯪ᯲ᯉ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯔᯝᯞᯮᯘᯪ

Dung i mulak ma nasida tu hu ta. Sahat ro di bagas, disungkun ina ni si Aji Panungkunan ma nasida, Pajumpang do hamu dohot ulok baganding tua i? ninna. ᯑᯮᯰ ᯤ ᯔᯮᯞᯄ᯦᯲ ᯔ ᯉᯘᯪᯑ ᯖᯮ ᯂᯮᯖ ᯘᯂᯖ᯲ ᯒᯬ ᯑᯪ ᯅᯎᯘ᯲ ᯑᯪᯘᯮᯰᯄ᯦ᯉᯮ᯲ ᯤᯉ ᯉᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯔ ᯉᯘᯪᯑ ᯇᯐᯔᯮ᯲ᯇᯰ ᯑᯬ ᯂᯔᯮ ᯑᯬᯂᯖᯬ᯲ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ ᯉᯉᯪ᯲ᯉ

Pajumpang do tutu, jala didok do tu hami asa borhat hami manogot sogot, di buha-buha ijuk sian hu ta on tu hau ingananna nangkin. ᯇᯐᯔᯮ᯲ᯇᯰ ᯑᯬ ᯖᯮᯖᯮ ᯐᯞ ᯑᯪᯑᯄ᯦ᯬ᯲ ᯑᯬ ᯖᯮ ᯂᯔᯪ ᯀᯘ ᯅᯒᯬ᯲ᯂᯖ᯲ ᯂᯔᯪ ᯔᯉᯬᯎᯖᯬ᯲ ᯘᯬᯎᯖᯬ᯲ ᯑᯪ ᯅᯮᯂᯅᯮᯂ ᯤᯐᯄ᯦ᯮ ᯘᯪᯀᯉ᯲ ᯂᯮᯖ ᯀᯉᯬ᯲ ᯖᯮ ᯂᯥ ᯤᯝᯉᯉ᯲ᯉ ᯉᯰᯂᯉᯪ᯲

Disi pe botoon manang aha bahenonna tu haen na bontar i!  ninna Datu Bolon Paniop Pagar. ᯑᯪᯘᯪ ᯇᯩ ᯅᯬᯖᯬᯀᯉᯬ᯲ ᯔᯉᯰ ᯀᯂ ᯅᯂᯩᯉᯉᯬ᯲ᯉ ᯖᯮ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ ᯉᯉᯪ᯲ᯉ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲

Nunga tung denggan i tu tu!  ninna ina ni si Aji Panungkunan. ᯉᯮᯝ ᯖᯮᯰ ᯑᯰᯩᯎᯉ᯲ ᯤ ᯖᯮᯖᯮ ᯉᯉᯪ᯲ᯉ ᯤᯉ ᯉᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Sogot manogot i, tutu ma di buha-buha ijuk, nunga ro ulubalang Partahan Soaloon dohot si Paralamat dohot Datu Bolon Paniop Pagar tu jabu ni si Aji Panungkunan; jadi borhat ma nasida na opat mandapothon inganan ni ulok baganding tua i ᯘᯬᯎᯖᯬ᯲ ᯔᯉᯬᯎᯖᯬ᯲ ᯤ ᯖᯮᯖᯮ ᯔ ᯑᯪ ᯅᯮᯂᯅᯮᯂ ᯤᯐᯄ᯦ᯮ᯲ ᯉᯮᯝ ᯒᯬ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯑᯬᯂᯖᯬ᯲ ᯘᯪ ᯇᯒᯞᯔᯖ᯲ ᯑᯬᯂᯖᯬ᯲ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲ ᯖᯮ ᯐᯅᯮ ᯉᯪ ᯘᯪ ᯀᯐᯪ ᯇᯉᯮᯰᯄᯮ᯦᯦ᯉᯉ᯲ ᯐᯑᯪ ᯅᯒᯬ᯲ᯂᯖ᯲ ᯔ ᯉᯘᯪᯑ ᯉ ᯀᯬᯇᯖ᯲ ᯔᯉ᯲ᯑᯇᯖᯬ᯲ᯂᯉᯬ᯲ ᯤᯝᯔᯉ᯲ ᯉᯪ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ

Mansai maol dope dianto nasida dalan i, jadi lambat-lambat ma nasida na mardalan i. ᯔᯉ᯲ᯘᯤ ᯔᯀᯞᯬ᯲ ᯑᯬᯇᯩ ᯑᯪᯀᯉ᯲ᯖᯬ ᯉᯘᯪᯑ ᯑᯞᯉ᯲ ᯤ ᯐᯑᯪ ᯞᯔ᯲ᯅᯖ᯲ᯞᯔ᯲ᯅᯖ᯲ ᯔ ᯉᯘᯪᯑ ᯉ ᯔᯒ᯲ᯑᯞᯉ᯲ ᯤ

Alai dung lam bolas ma diida nasida dalan i, lam dipahatop nasida ma mardalan. ᯀᯞᯤ ᯑᯮᯰ ᯞᯔ᯲ ᯅᯬᯞᯘ᯲ ᯔ ᯑᯪᯤᯑ ᯉᯘᯪᯑ ᯑᯞᯉ᯲ ᯤ ᯞᯔ᯲ ᯑᯪᯇᯂᯖᯇᯬ᯲ ᯉᯘᯪᯑ ᯔ ᯔᯒ᯲ᯑᯞᯉ᯲

Sahat ma nasida tu bona ni hau, hapeahan ni haen na bontar i, toho ma tiur ari di na jongjong nasida na opat humaliang haen na bontar i. ᯘᯂᯖ᯲ ᯔ ᯉᯘᯪᯑ ᯖᯮ ᯅᯬᯉ ᯉᯪ ᯂᯥ ᯂᯇᯩᯀᯂᯉ᯲ ᯉᯪ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ ᯖᯬᯂᯬ ᯔ ᯖᯪᯀᯒᯮ᯲ ᯀᯒᯪ ᯑᯪ ᯉ ᯐᯰᯬᯐᯰᯬ ᯉᯘᯪᯑ ᯉ ᯀᯬᯇᯖ᯲ ᯂᯮᯔᯞᯪᯀᯰ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ

Dung i diida nasida ma adong marhillong-hillong di ginjang ni haen i, pitu hibung? ᯑᯮᯰ ᯤ ᯑᯪᯤᯑ ᯉᯘᯪᯑ ᯔ ᯀᯑᯰᯬ ᯔᯒ᯲ᯂᯞᯪ᯲ᯞᯰᯬᯂᯞᯪ᯲ᯞᯰᯬ ᯑᯪ ᯎᯉᯪ᯲ᯐᯰ ᯉᯪ ᯂᯀᯉᯩ᯲ ᯤ ᯇᯪᯖᯮ ᯂᯪᯅᯮᯰ

Dipamanat nasida ma, ndang disi be anggo napuran na niatupan i. Nunga peak disi singkatna pitu hibung mas palangki. ᯑᯪᯇᯔᯉᯖ᯲ ᯉᯘᯪᯑ ᯔ ᯉ᯲ᯑᯰ ᯑᯪᯘᯪ ᯅᯩ ᯀᯰᯎᯬ ᯉᯇᯮᯒᯉ᯲ ᯉ ᯉᯪᯀᯖᯮᯇᯉ᯲ ᯤ ᯉᯮᯝ ᯇᯩᯀᯄ᯦᯲ ᯑᯪᯘᯪ ᯘᯰᯪᯄ᯦ᯖ᯲ᯉ ᯇᯪᯖᯮ ᯂᯪᯅᯮᯰ ᯔᯘ᯲ ᯇᯞᯰᯄ᯦ᯪ

Tarhatotong ma nasida sai jongjong pabereng-bereng mas palangki na peak di ginjang ni haen na bontar i. ᯖᯒ᯲ᯂᯖᯬᯖᯰᯬ ᯔ ᯉᯘᯪᯑ ᯘᯤ ᯐᯰᯬᯐᯰᯬ ᯇᯅᯩᯒᯰᯩᯅᯩᯒᯰᯩ ᯔᯘ᯲ ᯇᯞᯰᯄ᯦ᯪ ᯉ ᯇᯩᯀᯄ᯦᯲ ᯑᯪ ᯎᯉᯪ᯲ᯐᯰ ᯉᯪ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ

Dung i mangkuling ma Datu Bolon Paniop Pagar, Ale ompung, nunga ro hami songon janjinta nantoari. ᯑᯮᯰ ᯤ ᯔᯰᯄ᯦ᯮᯞᯰᯪ ᯔ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲ ᯀᯞᯩ ᯀᯔᯬ᯲ᯇᯮᯰ ᯉᯮᯝ ᯒᯬ ᯂᯔᯪ ᯘᯬᯝᯉᯬ᯲ ᯐᯉ᯲ᯐᯉᯪ᯲ᯖ ᯉᯉ᯲ᯖᯬᯀᯒᯪ

Patorang ma da ompung,
dia ma sibahenonnami, ai songon na so huantusi hami na niida
ni simalolongnami! ᯇᯖᯬᯒᯰ ᯲ ᯑ ᯀᯔᯬ᯲ᯇᯮᯰ ᯑᯪᯀ ᯲ ᯘᯪᯅᯂᯩᯉᯉᯬ᯲ᯉᯔᯪ ᯀᯤ ᯘᯬᯝᯉᯬ᯲ ᯉ ᯘᯬ ᯂᯮᯀᯉ᯲ᯖᯮᯘᯪ ᯂᯔᯪ ᯉ ᯉᯪᯤᯑ ᯉᯪ ᯘᯪᯔᯞᯬᯞᯰᯬᯉᯔᯪ

Tinoktok pora da ompung, ujungna bahen sige, dang tangkas on huantusi da ompung,
ba paloas ahu ompung manise ! ninna Datu Bolon i. ᯖᯪᯉᯄᯬ᯲ᯖᯂᯬ᯲ ᯇᯬᯒ ᯑ ᯀᯔᯬ᯲ᯇᯮᯰ ᯥᯐᯮᯰᯉ ᯅᯂᯉᯩ᯲ ᯘᯪᯎᯩ ᯑᯰ ᯖᯰᯄ᯦ᯘ᯲ ᯀᯉᯬ᯲ ᯂᯮᯀᯉ᯲ᯖᯮᯘᯪ ᯑ ᯀᯔᯬ᯲ᯇᯮᯰ ᯅ ᯇᯞᯬᯀᯘ᯲ ᯀᯂᯮ ᯀᯔᯬ᯲ᯇᯮᯰ ᯔᯉᯪᯘᯩ ᯉᯉᯪ᯲ᯉ ᯑᯖᯮ ᯅᯬᯞᯉᯬ᯲ ᯤ

Dung i lam tiur ma ari, jadi ro ma sada ambaroba hurlang na balga habang. Dung i songgop ma di hau i. I ma pidong sada na ummalo marende-ende. Sai didok ma di ende-endena i: ᯑᯮᯰ ᯤ ᯞᯔ᯲ ᯖᯪᯀᯒᯮ᯲ ᯔ ᯀᯒᯪ ᯐᯑᯪ ᯒᯬ ᯔ ᯘᯑ ᯀᯔ᯲ᯅᯒᯬᯅ ᯂᯒᯮ᯲ᯞᯰ ᯉ ᯅᯞ᯲ᯎ ᯂᯅᯰ ᯑᯮᯰ ᯤ ᯘᯰᯬᯎᯇᯬ᯲ ᯔ ᯑᯪ ᯂᯥ ᯤ ᯤ ᯔ ᯇᯪᯑᯰᯬ ᯘᯑ ᯉ ᯀᯔᯮ᯲ᯔᯞᯬ ᯔᯒᯉᯩ᯲ᯑᯩᯀᯉᯩ᯲ᯑᯩ ᯘᯤ ᯑᯪᯑᯄ᯦ᯬ᯲ ᯔ ᯑᯪ ᯀᯉᯩ᯲ᯑᯩᯘᯉᯩ᯲ᯑᯩᯉ ᯤ

 
Boan ma ale masmi, bahen parsaulianmi. Tu huta Pargarutan, ale Aji Panungkunan. ᯅᯬᯀᯉ᯲ ᯔ ᯀᯞᯩ ᯔᯘ᯲ᯔᯪ ᯅᯂᯉᯩ᯲ ᯇᯒ᯲ᯘᯥᯞᯪᯀᯉ᯲ᯔᯪ ᯖᯮ ᯂᯮᯖ ᯇᯒ᯲ᯎᯒᯮᯖᯉ᯲ ᯀᯞᯩ ᯀᯐᯪ ᯇᯉᯮᯰᯄ᯦ᯮᯉᯉ᯲

Sude ma nasida mamereng dompak ginjang, dung i didok ulubalang i ma, Ale ambaroba hurlang, na malo marende, paboa ma tu hami, nunga di dia ompung ulok baganding tua i? ᯘᯮᯑᯩ ᯔ ᯉᯘᯪᯑ ᯔᯔᯩᯒᯰᯩ ᯑᯔᯬ᯲ᯇᯄ᯦᯲ ᯎᯉᯪ᯲ᯐᯰ ᯑᯮᯰ ᯤ ᯑᯪᯑᯄ᯦ᯬ᯲ ᯥᯞᯮᯅᯞᯰ ᯤ ᯔ ᯀᯞᯩ ᯀᯔ᯲ᯅᯒᯬᯅ ᯂᯒᯮ᯲ᯞᯰ ᯉ ᯔᯞᯬ ᯔᯒᯉᯩ᯲ᯑᯩ ᯇᯉᯬᯀ ᯔ ᯖᯮ ᯂᯔᯪ ᯉᯮᯝ ᯑᯪ ᯑᯪᯀ ᯀᯔᯬ᯲ᯇᯮᯰ. ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ

Dung i didok ambaroba i ma di ende-endena, dang disi be, nunga laho; ndang disi be, nunga laho ᯑᯮᯰ ᯤ ᯑᯪᯑᯄ᯦ᯬ᯲ ᯀᯔ᯲ᯅᯒᯬᯅ ᯤ ᯔ ᯑᯪ ᯀᯉᯩ᯲ᯑᯩᯀᯉᯩ᯲ᯑᯩᯉ ᯑᯰ ᯑᯪᯘᯪ ᯅᯩ ᯉᯮᯝ ᯞᯂᯬ ᯑᯰ ᯑᯪᯘᯪ ᯅᯩ ᯉᯮᯝ ᯞᯂᯬ

Beha nama, dia ma sibahenonta? ninna si Paralamat. ᯅᯩᯂ ᯉᯔ ᯑᯪᯀ ᯔ ᯘᯪᯅᯂᯩᯉᯉᯬ᯲ᯖ ᯉᯉᯪ᯲ᯉ ᯘᯪ ᯇᯒᯞᯔᯖ᯲

Mandok songon i dope ibana, mangkuling ma muse ambaroba i, ninna ma, ᯔᯉ᯲ᯑᯄ᯦ᯬ᯲ ᯘᯬᯝᯉᯬ᯲ ᯤ ᯑᯬᯇᯩ ᯤᯅᯉ ᯔᯰᯄ᯦ᯮᯞᯰᯪ ᯔ ᯔᯮᯘᯩ ᯀᯔ᯲ᯅᯒᯬᯅ ᯤ ᯉᯉᯪ᯲ᯉ ᯔ

Ditonahon ompung ulok baganding do tu ahu, unang be sai disi hamu, di toru ni hau, boan ma masmi, bahen parsaulianmu tu huta Pargarutan, ale Aji Panungkunan! ᯑᯪᯖᯬᯉᯂᯉᯬ᯲ ᯀᯔᯬ᯲ᯇᯮᯰ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯑᯬ ᯖᯮ ᯀᯂᯮ ᯥᯉᯰ ᯅᯩ ᯘᯤ ᯑᯪᯘᯪ ᯂᯔᯮ ᯑᯪ ᯖᯬᯒᯮ ᯉᯪ ᯂᯥ ᯅᯬᯀᯉ᯲ ᯔ ᯔᯘ᯲ᯔᯪ ᯅᯂᯉᯩ᯲ ᯇᯒ᯲ᯘᯥᯞᯪᯀᯔᯮ ᯖᯮ ᯂᯮᯖ ᯇᯒ᯲ᯎᯒᯮᯖᯉ᯲ ᯀᯞᯩ ᯀᯐᯪ ᯇᯉᯮᯰᯄ᯦ᯮᯉᯉ᯲  

Birr! ninna, habang ma pidong ambaroba i, dung i ndang tarida be. ᯅᯒᯪ᯲ ᯉᯉᯪ᯲ᯉ ᯂᯅᯰ ᯔ ᯇᯪᯑᯰᯬ ᯀᯔ᯲ᯅᯒᯬᯅ ᯤ ᯑᯮᯰ ᯤ ᯉ᯲ᯑᯰ ᯖᯒᯪᯑ ᯅᯩ

Buat ma mas i ale Aji Panungkunan; nunga tangkas didok, asa boanon tu huta. ᯅᯮᯀᯖ᯲ ᯔ ᯔᯘ᯲ ᯤ ᯀᯞᯩ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯉᯮᯝ ᯖᯰᯄ᯦ᯘ᯲ ᯑᯪᯑᯄ᯦ᯬ᯲ ᯀᯘ ᯅᯬᯀᯉᯉᯬ᯲ ᯖᯮ ᯂᯮᯖ

Dang dison be anggo ompung ulok baganding tua, nunga laho sian on. ᯑᯰ ᯑᯪᯘᯉᯬ᯲ ᯅᯩ ᯀᯰᯎᯬ ᯀᯔᯬ᯲ᯇᯮᯰ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯉᯮᯝ ᯞᯂᯬ ᯘᯪᯀᯉ᯲ ᯀᯉᯬ᯲

Goarmu dijouhon pidong ambaroba hurlang i, ba ho ma mambuat, asa taboan tu huta! ninna Datu Bolon i. ᯎᯬᯀᯒ᯲ᯔᯮ ᯑᯪᯐᯬᯥᯂᯉᯬ᯲ ᯇᯪᯑᯰᯬ ᯀᯔ᯲ᯅᯒᯬᯅ ᯂᯒᯮ᯲ᯞᯰ ᯤ ᯅ ᯂᯬ ᯔ ᯔᯔ᯲ᯅᯮᯀᯖ᯲ ᯀᯘ ᯖᯅᯬᯀᯉ᯲ ᯖᯮ ᯂᯮᯖ ᯉᯉᯪ᯲ᯉ ᯑᯖᯮ ᯅᯬᯞᯉᯬ᯲ ᯤ

Dung i ditungkus si Aji Panungkunan ma mas na pitu hibung i, jala diboan nasida ma tu huta. ᯑᯮᯰ ᯤ ᯑᯪᯖᯮᯰᯄ᯦ᯘᯮ᯲ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯔ ᯔᯘ᯲ ᯉ ᯇᯪᯖᯮ ᯂᯪᯅᯮᯰ ᯤ ᯐᯞ ᯑᯪᯅᯬᯀᯉ᯲ ᯉᯘᯪᯑ ᯔ ᯖᯮ ᯂᯮᯖ

Ia dung sahat nasida di bagas disungkun ina ni si Aji Panungkunan ma nasida, Pajumpang do hamu dohot ulok baganding tua i,jala aha do dibahen tu haen na bontar ? ninna. ᯤᯀ ᯑᯮᯰ ᯘᯂᯖ᯲ ᯉᯘᯪᯑ ᯑᯪ ᯅᯎᯘ᯲ ᯑᯪᯘᯮᯰᯄ᯦ᯉᯮ᯲ ᯤᯉ ᯉᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉ ᯔ ᯉᯘᯪᯑ ᯇᯐᯔᯮ᯲ᯇᯰ ᯑᯬ ᯂᯔᯮ ᯑᯬᯂᯖᯬ᯲ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ ᯐᯞ ᯀᯂ ᯑᯬ ᯑᯪᯅᯂᯉᯩ᯲ ᯖᯮ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯉᯉᯪ᯲ᯉ

Dang pajumpang be hami inang, dohot ulok baganding tua i. Nunga laho huroha sian ingananna i. ᯑᯰ ᯇᯐᯔᯮ᯲ᯇᯰ ᯅᯩ ᯂᯔᯪ ᯤᯉᯰ ᯑᯬᯂᯖᯬ᯲ ᯥᯞᯄ᯦ᯬ᯲ ᯅᯎᯉ᯲ᯑᯰᯪ ᯖᯮᯀ ᯤ ᯉᯮᯝ ᯞᯂᯬ ᯂᯮᯒᯬᯂ ᯘᯪᯀᯉ᯲ ᯤᯝᯉᯉ᯲ᯉ ᯤ

Alai dung sahat hami nangkin tu bona ni hau i, tarsonggot do hami. ᯀᯞᯤ ᯑᯮᯰ ᯘᯂᯖ᯲ ᯂᯔᯪ ᯉᯰᯂᯉᯪ᯲ ᯖᯮ ᯅᯬᯉ ᯉᯪ ᯂᯥ ᯤ ᯖᯒ᯲ᯘᯰᯬᯎᯖᯬ᯲ ᯑᯬ ᯂᯔᯪ

Ai huida hami ma adong marhillong hillong pitu hibung di haen na bontar i. ᯀᯤ ᯂᯮᯤᯑ ᯂᯔᯪ ᯔ ᯀᯑᯰᯬ ᯔᯒ᯲ᯂᯞᯪ᯲ᯞᯰᯬᯂᯞᯪ᯲ᯞᯰᯬ ᯇᯪᯖᯮ ᯂᯪᯅᯮᯰ ᯑᯪ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯤ

Dung hupamanat hami, huida hami ma, hape mas palangki dona marhillonghillong i. ᯑᯮᯰ ᯂᯮᯇᯔᯉᯖ᯲ ᯂᯔᯪ ᯂᯮᯤᯑ ᯂᯔᯪ ᯔ ᯂᯇᯩ ᯔᯘ᯲ ᯇᯞᯰᯄ᯦ᯪ ᯑᯬ ᯉ ᯔᯒ᯲ᯂᯞᯪ᯲ᯞᯰᯬᯂᯞᯪ᯲ᯞᯰᯬ ᯤ

Anggo napuran na niatupan i dang adong be disi. ᯀᯰᯎᯬ ᯉᯇᯮᯒᯉ᯲ ᯉ ᯉᯪᯀᯖᯮᯇᯉ᯲ ᯤ ᯑᯰ ᯀᯑᯰᯬ ᯅᯩ ᯑᯪᯘᯪ

Mabiar do hami jolo mambuat; dung ro pe pidong ambaroba hurlang na malo marende i, asa barani hami mambuatsa? ᯔᯅᯪᯀᯒ᯲ ᯑᯬ ᯂᯔᯪ ᯐᯬᯞᯬ ᯔᯔ᯲ᯅᯮᯀᯖ᯲ ᯑᯮᯰ ᯒᯬ ᯇᯩ ᯇᯪᯑᯰᯬ ᯀᯔ᯲ᯅᯒᯬᯅ ᯂᯒᯮ᯲ᯞᯰ ᯉ ᯔᯞᯬ ᯔᯒᯉᯩ᯲ᯑᯩ ᯤ ᯀᯘ ᯅᯒᯉᯪ ᯂᯔᯪ ᯔᯔ᯲ᯅᯮᯀᯖ᯲ᯘ

Ai sai didok antong: Boan ma ale masmi, bahen parsaulianmi. Tu huta Pargarutan, ale Aji Panungkunan ! ᯀᯤ ᯘᯐ ᯑᯪᯑᯄ᯦ᯬ᯲ ᯀᯉ᯲ᯖᯰᯬ ᯅᯬᯀᯉ᯲ ᯔ ᯀᯞᯩ ᯔᯘ᯲ᯔᯪ ᯅᯂᯉᯩ᯲ ᯇᯒ᯲ᯘᯥᯞᯪᯀᯉ᯲ᯔᯪ ᯖᯮ ᯂᯮᯖ ᯇᯒ᯲ᯎᯒᯮᯖᯉ᯲ ᯀᯞᯩ ᯀᯐᯪ ᯇᯉᯮᯰᯄ᯦ᯮᯉᯉ᯲

Jadi hutungkus hami ma tutu mas palangki na pitu hibung i. ᯐᯑᯪ ᯂᯮᯖᯮᯰᯄ᯦ᯘᯮ᯲ ᯔ ᯖᯮᯖᯮ ᯔᯘ᯲ ᯇᯞᯰᯄ᯦ᯪ ᯉ ᯇᯪᯖᯮ ᯂᯪᯅᯮᯰ ᯤ

Indi on ma da inang! ninna si Aji Panungkunan, laos dipeakkon ma tu ampuan ni inana i.ᯀᯉᯪ᯲ᯑᯪ ᯀᯉᯬ᯲ ᯔ ᯑ ᯤᯉᯰ ᯉᯉᯪ᯲ᯉ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯞᯀᯘᯬ᯲ ᯑᯪᯇᯩᯀᯄ᯦᯲ᯄ᯦ᯉᯬ᯲ ᯔ ᯖᯮ ᯀᯔ᯲ᯇᯮᯀᯉ᯲ ᯉᯪ ᯤᯉᯉ ᯤ 

O ale amang, uli ni mas palangki on. Godang ni tuanta i da amang! Godang ni tuanta i! sai ninna ina ni si Aji Panungkunan i ma, huhut diapus-apus ma mas i. ᯀᯬ ᯀᯞᯩ ᯀᯔᯰ ᯥᯞᯪ ᯉᯪ ᯔᯘ᯲ ᯇᯞᯰᯄ᯦ᯪ ᯀᯉᯬ᯲ ᯎᯬᯑᯰ ᯉᯪ ᯖᯮᯀᯉ᯲ᯖ ᯤ ᯑ ᯀᯔᯰ ᯎᯬᯑᯰ ᯉᯪ ᯖᯮᯀᯉ᯲ᯖ ᯤ ᯘᯤ ᯉᯉᯪ᯲ᯉ. ᯤᯉ ᯉᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯤ ᯔ ᯂᯮᯂᯖᯮ᯲ ᯑᯪᯀᯇᯘᯮ᯲ᯀᯇᯘᯮ᯲ ᯔ ᯔᯘ᯲ ᯤ

Sai longang ma nasida pabereng-bereng mas palangki i, sai las ma rohanasida sude. ᯘᯤ ᯞᯬᯝᯰ ᯔ ᯉᯘᯪᯑ ᯇᯅᯩᯒᯰᯩᯅᯩᯒᯰᯩ ᯔᯘ᯲ ᯇᯞᯰᯄ᯦ᯪ ᯤ ᯘᯤ ᯞᯘ᯲ ᯔ ᯒᯬᯂ ᯉᯘᯪᯑ ᯘᯮᯑᯩ