ᯖᯮᯒᯪᯖᯮᯪᯀᯉ᯲ ᯉᯪ ᯘᯪ ᯀᯐᯪ ᯇᯉᯰᯮᯄ᯦ᯮᯉᯉ᯲ Turi-turian ni si Aji Panungkunan Turpuk Pasampuluopathon (Pangke Android)

Marsogotna i dung sun mangan borhat ma Raja Sohuturon Dolok dohot ulubalangna dohot datuna dohot pangisi ni huta i, angka na gopas marsinjata tu huta ni Raja Parbaliung. ᯔᯒ᯲ᯘᯬᯎᯖᯬ᯲ᯉ ᯤ ᯑᯰᯮ ᯘᯉᯮ᯲ ᯔᯝᯉ᯲ ᯅᯒᯬ᯲ᯂᯖ᯲ ᯔ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯑᯬᯂᯖᯬ᯲ ᯥᯞᯮᯅᯞᯰᯉ ᯑᯬᯂᯖᯬ᯲ ᯑᯖᯮᯉ ᯑᯬᯂᯖᯬ᯲ ᯇᯝᯪᯘᯪ ᯉᯪ ᯂᯮᯖ ᯤ ᯀᯰᯄ᯦ ᯉ ᯎᯬᯇᯘ᯲ ᯔᯒ᯲ᯘᯉᯪ᯲ᯐᯖ ᯖᯮ ᯂᯮᯖ ᯉᯪ ᯒᯐ ᯇᯒ᯲ᯅᯞᯪᯀᯮᯰ

Dohot ma antong nang si Aji Panungkunan. ᯅᯒᯬ᯲ᯂᯖ᯲ ᯔ ᯀᯉ᯲ᯖᯰᯬ ᯉᯰ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Dung sahat nasida di buntul-buntul pargadongan ni huta i, maradian ma nasida. ᯑᯮᯰ ᯘᯂᯖ᯲ ᯉᯘᯪᯑ ᯑᯪ ᯅᯉᯮ᯲ᯖᯞᯮ᯲ᯅᯉᯮ᯲ᯖᯞᯮ᯲ ᯉᯪ ᯂᯮᯖ ᯤ ᯔᯒᯑᯪᯀᯉ᯲ ᯔ ᯉᯘᯪᯑ

Dung maradian sangombas, jongjong ma nasida sudena, songon na patuduhon hinadeak nasida na ro i. ᯑᯮᯰ ᯔᯒᯑᯪᯀᯉ᯲ ᯘᯝᯔᯬ᯲ᯅᯘ᯲ ᯐᯰᯬᯐᯰᯬ ᯔ ᯉᯘᯪᯑ ᯘᯮᯑᯩᯉ ᯘᯬᯐᯉᯬ᯲ ᯉ ᯇᯖᯮᯑᯮᯂᯉᯬ᯲ ᯅᯪᯉᯑᯩᯀᯄ᯦᯲ ᯉᯘᯪᯑ ᯉ ᯒᯬ ᯤ

Diida Raja Parbaliung ma nasida na ro i, jadi dijou ma ulubalang Partahan Soaloon dohot sude pangisi ni huta i. ᯑᯪᯤᯑ ᯒᯐ ᯇᯒ᯲ᯅᯞᯪᯀᯮᯰ ᯔ ᯉᯘᯪᯑ ᯔ ᯒᯬ ᯤ ᯐᯑᯪ ᯑᯪᯐᯬᯥ ᯔ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯑᯬᯂᯖᯬ᯲ ᯘᯮᯑᯩ ᯇᯝᯪᯘᯪ ᯉᯪ ᯂᯮᯖ ᯤ

Nunga ro musu, ale! Tiop be ma sinjatana, asa taalo! Nunga ro na naeng martaban huta on! ninna Raja Parbaliung. ᯉᯮᯝ ᯒᯬ ᯔᯮᯘᯮ ᯀᯞᯩ ᯖᯪᯀᯇᯬ᯲ ᯅᯩ ᯔ ᯘᯉᯪ᯲ᯐᯖᯉ ᯀᯘ ᯖᯀᯞᯬ ᯉᯮᯝ ᯒᯬ ᯉ ᯉᯀᯰᯩ ᯔᯒ᯲ᯖᯅᯉ᯲ ᯂᯮᯖ ᯀᯉᯬ᯲ ᯉᯉᯪ᯲ᯉ ᯒᯐ ᯇᯒ᯲ᯅᯞᯬᯀᯮᯰ

Alai ro ma ulubalang Partahan Soaloon didok ma, Ba patangkas rlla rajanami deakna i nasida. ᯀᯞᯤ ᯒᯬ ᯔ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯑᯪᯑᯄ᯦ᯬ᯲ ᯔ ᯅ ᯇᯖᯰᯄ᯦᯲ ᯂᯪᯖ ᯒᯐᯉᯔᯪ ᯑᯩᯀᯄ᯦᯲ᯉ ᯤ ᯉᯘᯪᯑ

Dung i adong do bodilnasida lobi sampulu hali godang ni bodilta, ai na maduma jala na mora do Raja Sohuturon Dolok. ᯑᯮᯰ ᯤ ᯀᯑᯰᯬ ᯑᯬ ᯅᯬᯑᯞᯪ᯲ᯉᯘᯪᯑ ᯞᯬᯅᯪ ᯘᯔ᯲ᯇᯮᯞᯮ ᯂᯞᯪ ᯎᯬᯑᯰ ᯉᯪ ᯅᯬᯑᯞᯪ᯲ᯖ ᯀᯤ ᯉ ᯔᯑᯮᯔ ᯐᯞ ᯉ ᯔᯬᯒ ᯑᯬ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲

Huta dia ma mangate mangalo parangan ni huta Lobu Namaduma? ᯂᯮᯖ ᯑᯪᯀ ᯔ ᯔᯝᯖᯩ ᯔᯝᯞᯬ ᯇᯒᯝᯉ᯲ ᯉᯪ ᯂᯮᯖ ᯞᯬᯅᯮ ᯉᯔᯑᯮᯔ

I do hape dohononmu tu ahu ale ulubalang Partahan Soaloon? Marjea ma ho annon!" ninna Raja Parbaliung? ᯤ ᯑᯬ ᯂᯇᯩ ᯑᯬᯂᯬᯉᯉᯬ᯲ᯔᯮ ᯖᯮ ᯀᯂᯮ ᯀᯞᯩ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀ᯲ᯬᯀᯉᯬ᯲ ᯔᯒ᯲ᯐᯩᯀ ᯔ ᯂᯬ ᯀᯉ᯲ᯉᯉᯬ᯲ ᯉᯉᯪ᯲ᯉ ᯒᯐ ᯇᯒ᯲ᯅᯞᯪᯀᯮᯰ

Dung i didok ma tu pangisi ni huta i, naung pungu disi jongjong marhaliang, lse na olo mandongani ahu, ro ma tuson. Na parjolo ro, i ma na gabe singkat ni ulubalang Partahan Soaloon! ninna. ᯑᯮᯰ ᯤ ᯑᯬᯑᯄ᯦ᯬ ᯔ ᯖᯮ ᯇᯝᯪᯘᯪ ᯉᯪ ᯂᯮᯖ ᯤ ᯉᯀᯮᯰ ᯇᯮᯝᯮ ᯑᯪᯘᯪ ᯐᯰᯬᯐᯰᯬ ᯔᯒᯂᯞᯪᯀᯰ ᯤᯘᯩ ᯉ ᯀᯬᯞᯬ ᯔᯉ᯲ᯑᯬᯝᯉᯪ ᯀᯂᯮ ᯒᯬ ᯔ ᯖᯮᯘᯉᯬ᯲ ᯉ ᯇᯒ᯲ᯐᯬᯞᯬ ᯒᯬ ᯤ ᯔ ᯉ ᯎᯅᯩ ᯘᯰᯪᯄ᯦ᯖ᯲ ᯉᯪ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬ ᯀᯞᯬᯀᯉᯬ᯲ ᯉᯉᯪ᯲ᯉ

Hape dang adong nanggo sada na olo ro tu lambungna! ᯂᯇᯩ ᯑᯰ ᯀᯑᯰᯬ ᯉᯰᯎᯬ ᯘᯑ ᯉ ᯀᯬᯞᯬ ᯒᯬ ᯖᯮ ᯞᯔ᯲ᯅᯮᯰᯉ

Ale Raja Parbaliung, di dia do si Aji Panungkunan? ninna ulubalang i mandok tu raja i. ᯀᯞᯩ ᯒᯐ ᯇᯒ᯲ᯅᯞᯪᯀᯮᯰ ᯑᯪ ᯑᯪᯀ ᯑᯬ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯉᯉᯪ᯲ᯉ ᯥᯞᯮᯅᯞᯰ ᯤ ᯔᯉ᯲ᯑᯄ᯦ᯬ ᯖᯮ ᯒᯐ ᯤ

Dang huboto i, aha sinungkunmu di ahu. Nunga dijehehon ho ahu ! ninna Raja Parbaliung. ᯑᯰ ᯂᯮᯅᯬᯖᯬ ᯤ ᯀᯂ ᯘᯪᯉᯮᯰᯄ᯦ᯉᯮ᯲ᯔᯮ ᯑᯪ ᯀᯂᯮ ᯉᯮᯝ ᯑᯪᯐᯩᯘᯂᯉᯬ᯲ ᯂᯬ ᯀᯂᯮ ᯉᯉᯪ᯲ᯉ ᯒᯐ ᯇᯒ᯲ᯅᯞᯪᯀᯮᯰ

Molo so diboto raja i dope, ba botoon ni raja i ma anggo saonari. Si Aji Panungkunan dona ro adu. Angka donganna ma i na ro i. ᯔᯬᯞᯬ ᯘᯬ ᯑᯪᯅᯬᯖᯬ ᯒᯐ ᯤ ᯑᯬᯇᯩ ᯅ ᯅᯬᯖᯬᯀᯉᯬ᯲ ᯉᯪ ᯒᯐ ᯤ ᯔ ᯘᯀᯬᯉᯒᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯑᯬ ᯉ ᯒᯬ ᯀᯝᯮ ᯀᯰᯄ᯦ ᯑᯪᯝᯉ᯲ᯉ ᯔ ᯤ ᯉ ᯒᯬ ᯤ

I pe paima ma dison, asa husuru na mandok, asa unang sanga bingkas bodil. ᯤ ᯇᯩ ᯇᯤᯔ ᯔ ᯑᯪᯘᯉᯬ᯲ ᯀᯘ ᯂᯮᯘᯪᯒᯮ ᯉ ᯔᯉ᯲ᯑᯄ᯦ᯬ᯲ ᯀᯘ ᯥᯉᯰ ᯘᯝ ᯅᯰᯪᯄ᯦ᯘ᯲ ᯅᯬᯑᯞᯪ᯲

Ai dang olo hami antong mangalo dongannami sahuta, si Aji Panungkunan! ninna ulubalang i. ᯀᯤ ᯑᯰ ᯀᯬᯞᯬ ᯂᯔᯪ ᯔᯝᯞᯬ ᯑᯬᯝᯉ᯲ᯉᯔᯪ ᯘᯂᯮᯖ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯉᯉᯪ᯲ᯉ ᯥᯞᯮᯅᯞᯰ ᯤ

Dung i disuru ulubalang i ma anggina si Paralamat mandapothon parangan ni Raja Sohuturon Dolok, naung sai jongjong di buntul-buntul i. ᯑᯮᯰ ᯤ ᯑᯪᯘᯮᯒᯮ ᯥᯞᯮᯅᯞᯰ ᯤ ᯔ ᯀᯰᯎᯪᯉ ᯘᯪ ᯇᯒᯞᯔᯖ᯲ ᯔᯉ᯲ᯑᯇᯖᯬ᯲ᯂᯉᯬ᯲ ᯇᯒᯝᯉ᯲ ᯉᯪ ᯒᯐ ᯘᯪᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯉᯮᯝ ᯘᯤ ᯐᯰᯬᯐᯰᯬ ᯑᯪ ᯅᯉᯮ᯲ᯖᯞᯮ᯲ᯅᯉᯮ᯲ᯖᯞᯮ᯲ ᯤ

Dung diida si Aji Panungkunan naung ro si Paralamat didok ibaa ma tu raja i, I ma ale rajanami si Paralamat, na manogu ahu uju na tungkap i ahu di harangan parburuan adu! ᯑᯮᯰ ᯑᯪᯤᯑ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯉᯀᯮᯰ ᯒᯬ ᯘᯪ ᯇᯒᯞᯔᯖ᯲ ᯑᯪᯑᯄ᯦ᯬ᯲ ᯤᯅᯉ ᯔ ᯖᯮ ᯒᯐ ᯤ ᯤ ᯔ ᯀᯞᯩ ᯒᯐᯉᯔᯪ ᯘᯪ ᯇᯒᯞᯔᯖ᯲ ᯉ ᯔᯉᯬᯎᯮ ᯀᯂᯮ ᯥᯐᯮ ᯉ ᯖᯮᯰᯄᯇ᯲ ᯤ ᯀᯂᯮ ᯑᯪ ᯂᯒᯝᯉ᯲ ᯇᯒᯔᯅᯮᯒᯮᯀᯉᯬ᯲ ᯀᯑᯮ

Ba na uli ma i tutu! ninna Raja Sohuturon Dolok. ᯅ ᯉ ᯥᯞᯪ ᯔ ᯤ ᯖᯮᯖᯮ ᯉᯉᯪ᯲ᯉ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲

 
Dung sahat si Paralamat, disungkun raja i ma ibana, Dia do sipaboaonmu, umbahen na ro ho mandapothon hami, ale Paralamat? ᯑᯮᯰ ᯘᯂᯖ᯲ ᯘᯪ ᯇᯒᯞᯔᯖ᯲ ᯑᯪᯘᯮᯰᯄ᯦ᯉᯮ᯲ ᯒᯐ ᯤ ᯔ ᯤᯅᯉ ᯑᯪᯀ ᯑᯬ ᯘᯪᯇᯅᯬᯀᯀᯉᯬ᯲ᯔᯮ ᯀᯔᯮ᯲ᯅᯂᯉᯩ᯲ ᯉ ᯒᯬ ᯂᯬ ᯔᯉ᯲ᯑᯇᯖᯬ᯲ᯂᯉᯬ᯲ ᯂᯔᯪ ᯀᯞᯩ ᯇᯒᯞᯔᯖ᯲

Nunga rade dongan ni Raja Parbaliung laho mangalo hami? ᯉᯮᯝ ᯒᯑᯩ ᯑᯬᯝᯉ᯲ ᯉᯪ ᯒᯐ ᯇᯒ᯲ᯅᯞᯪᯀᯮᯰ ᯞᯂᯬ ᯔᯝᯞᯬ ᯂᯔᯪ

Ndang adong be dongan ni Raja Parbaliung, ale rajanami. ᯉ᯲ᯑᯰ ᯀᯑᯰᯬ ᯅᯩ ᯑᯬᯝᯉ᯲ ᯉᯪ ᯒᯐ ᯇᯒ᯲ᯅᯞᯪᯀᯮᯰ ᯀᯞᯩ ᯒᯐᯉᯔᯪ

Nunga tung tedek hata ni dahahang ulubalang i mangalo ibana. ᯉᯮᯝ ᯖᯮᯰ ᯖᯩᯑᯄᯩ᯲ ᯂᯖ ᯉᯪ ᯑᯂᯂᯰ ᯥᯞᯮᯅᯞᯰ ᯤ ᯔᯝᯞᯬ ᯞᯅᯉ

Jadi boa-boa horas do rajanami, boa-boa na so ada mara, so ada gora. ᯐᯑᯪ ᯅᯬᯀᯅᯬᯀ ᯂᯬᯒᯘ᯲ ᯑᯬ ᯒᯐᯉᯔᯪ ᯅᯬᯀᯅᯬᯀ ᯉ ᯘᯬ ᯀᯑ ᯔᯒ ᯘᯬ ᯀᯑ ᯎᯬᯒ

Dipapungu Raja Parbaliung do nian sude pangisi ni hutanami, dung haidaan hamu di buntul-buntul on. ᯑᯪᯇᯇᯮᯝᯮ ᯒᯐ ᯇᯒ᯲ᯅᯞᯪᯀᯮᯰ ᯑᯬ ᯉᯪᯀᯉ᯲ ᯘᯮᯑᯩ ᯇᯝᯪᯘᯪ ᯉᯪ ᯂᯮᯖᯉᯔᯪ ᯑᯮᯰ ᯂᯤᯑᯀᯉᯔ ᯂᯔᯮ ᯑᯪ ᯅᯉᯮ᯲ᯖᯞᯮ᯲ᯅᯉᯮᯔᯖᯞᯮ᯲ ᯀᯉᯬ᯲

Didok do asa sude masitiop sinjatana be, alai dang adong na olo. ᯑᯪᯑᯄ᯦ᯬ᯲ ᯀᯘ ᯘᯮᯑᯩ ᯔᯘᯪᯛᯪᯀᯇᯬ᯲ ᯘᯉᯪ᯲ᯐᯖᯉ ᯅᯩ ᯀᯞᯤ ᯑᯰ ᯀᯑᯩᯬ ᯉ ᯀᯬᯞᯬ

Nuaeng pe nunga diboto Raja Parbaliung naung ro si Aji Panungkunan on, ai dipaboa
dahahang ulubalang i. Nunga songon na tarhalute ibana. ᯉᯮᯀᯀᯰᯩ ᯇᯩ ᯉᯮᯝ ᯑᯪᯅᯬᯖᯬ ᯒᯐ ᯇᯒ᯲ᯅᯞᯪᯀᯮᯰ ᯉᯀᯮᯰ ᯒᯬ ᯘᯪ ᯀᯐᯮᯪ ᯇᯉᯮᯰᯄ᯦ᯮᯉᯉ᯲ ᯀᯉᯬ᯲ ᯀᯤ ᯑᯪᯇᯅᯬᯀ ᯑᯂᯂᯰ ᯥᯞᯮᯅᯞᯰ ᯤ ᯉᯮᯝ ᯘᯬᯝᯉᯬ᯲ ᯉ ᯖᯒ᯲ᯂᯞᯮᯖᯩ ᯤᯅᯉ

Nuaeng pe bongot ma hamu tu hutanami rajanami, asa marhata hita, ninna si Paralamat. ᯉᯮᯀᯀᯰᯩ ᯇᯩ ᯅᯬᯝᯖᯬ᯲ ᯔ ᯂᯔᯮ ᯖᯮ ᯂᯮᯖᯉᯔᯪ ᯒᯐᯉᯔᯪ ᯀᯘ ᯔᯒ᯲ᯂᯖ ᯂᯪᯖ ᯉᯉᯪ᯲ᯉ ᯘᯪ ᯇᯒᯞᯔᯖ᯲

Na denggan ma i tutu. Alai parjolo ma ho mulak tu huta! ᯉ ᯑᯰᯩᯎᯉ᯲ ᯔ ᯤ ᯖᯮᯖᯮ ᯀᯞᯤ ᯇᯒ᯲ᯐᯬᯞᯬ ᯔ ᯂᯬ ᯔᯮᯞᯄ᯦᯲ ᯖᯮ ᯂᯮᯖ

Paboa ma na bongot ma hami, jala mangkuling do bahenonnami pitu hali bodilnami dompak ginjang. ᯇᯅᯬᯀ ᯲ ᯉ ᯅᯬᯝᯖᯬ᯲ ᯔ ᯂᯔᯪ ᯐᯞ ᯔᯰᯄᯮᯞᯰᯪ ᯑᯬ ᯅᯂᯩᯉᯉᯬ᯲ᯉᯔᯪ ᯇᯪᯖᯮ ᯂᯞᯪ ᯅᯬᯑᯞᯪ᯲ᯉᯔᯪ ᯑᯔᯬ᯲ᯇᯄ᯦᯲ ᯎᯉᯪ᯲ᯐᯰ

Unang pola tarsonggot nasida, angka pangisi ni huta. ᯥᯉᯰ ᯇᯬᯞ ᯖᯒ᯲ᯘᯰᯬᯎᯖᯬ᯲ ᯉᯘᯪᯑ ᯀᯰᯄ᯦ ᯇᯝᯪᯘᯤ ᯉᯪ ᯂᯮᯖ

Songgot habiaran ma i tu Raja Parbaliung, alai songgot siboan tua ma i tu si Aji Panungkunan! ninna raja Sohuturon Dolok. ᯘᯰᯬᯎᯖᯬ᯲ ᯂᯅᯪᯀᯒᯉ᯲ ᯔ ᯤ ᯖᯮ ᯒᯐ ᯇᯒ᯲ᯅᯞᯪᯀᯮᯰ ᯀᯞᯤ ᯘᯰᯎᯖᯬ᯲ ᯘᯪᯅᯬᯀᯉ᯲ ᯖᯮᯀ ᯔ ᯤ ᯖᯮ ᯘᯪ ᯀᯐᯪ ᯇᯉᯮᯰᯄ᯦ᯉᯉ᯲ ᯉᯉᯪ᯲ᯉ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ

Olo ba rajanami! ninna si Paralamat. ᯀᯬᯞᯬ ᯅ ᯒᯐᯉᯔᯪ ᯉᯉᯪ᯲ᯉ ᯘᯪ ᯇᯒᯞᯔᯖ᯲

Dung i laho ma ibana parjolo tu huta laho paboahon pangkataionnasida dohot raja i. ᯑᯮᯰ ᯤ ᯞᯂᯬ ᯔ ᯤᯅᯉ ᯇᯒ᯲ᯐᯬᯞᯬ ᯖᯮ ᯂᯮᯖ ᯞᯂᯬ ᯇᯅᯬᯀᯂᯉᯬ᯲ ᯇᯰᯄᯖᯤᯀᯉᯬ᯲ ᯉᯘᯪᯑ ᯑᯬᯂᯖᯬ᯲ ᯒᯐ ᯤ

Dung sahat si Paralamat tu harbangan ni huta i, borhat ma sude parangan ni Raja Sohuturon Dolok mandapothon huta i. ᯑᯮᯰ ᯘᯂᯖ᯲ ᯘᯪ ᯇᯒᯞᯔᯖ᯲ ᯖᯮ ᯂᯒ᯲ᯅᯝᯉ᯲ ᯉᯪ ᯂᯮᯖ ᯤ ᯅᯒᯬ᯲ᯂᯖ᯲ ᯔ ᯘᯮᯑᯩ ᯇᯒᯝᯉ᯲ ᯉᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯔᯉ᯲ᯑᯇᯖᯬ᯲ᯂᯉᯬ᯲ ᯂᯮᯖ ᯤ

Disuru raja i ma antong asa di jolo si Aji Panungkunan mardalan rap dohot ibana, asa diida pangisi ni huta i na mangolu do si Aji Panungkunan. ᯑᯪᯘᯮᯒᯮ ᯒᯐ ᯤ ᯔ ᯀᯉ᯲ᯖᯰᯬ ᯀᯘ ᯑᯪ ᯐᯬᯞᯬ ᯘᯪ ᯀᯐᯪ ᯇᯉᯮᯰᯄᯮ᯦ᯉᯉ᯲ ᯔᯒ᯲ᯑᯞᯉ᯲ ᯒᯇ᯲ ᯑᯬᯂᯖᯬ᯲ ᯤᯅᯉ ᯀᯘ ᯑᯪᯤᯑ ᯇᯝᯪᯘᯪ ᯉᯪ ᯂᯮᯖ ᯤ ᯉ ᯔᯝᯬᯞᯮ ᯑᯬ ᯘᯪ ᯀᯐᯪ ᯇᯉᯮᯰᯄᯮᯉᯉ᯲

Jonok tu huta i disuru raja i ma dibingkashon bodil dompak ginjang pitu hali, songon boa-boa haroro ni Raja Sohuturon Dolok tu huta Dolok Pargarutan. ᯐᯬᯉᯄᯬ᯲ ᯖᯮ ᯂᯮᯖ ᯤ ᯑᯪᯘᯮᯒᯮ ᯒᯐ ᯤ ᯔ ᯑᯪᯅᯰᯪᯄ᯦ᯘ᯲ᯂᯉᯬ᯲ ᯅᯬᯑᯞᯪ᯲ ᯑᯔᯬ᯲ᯇᯄ᯦᯲ ᯎᯉᯪ᯲ᯐᯰ ᯇᯪᯖᯮ ᯂᯞᯪ ᯘᯬᯝᯉᯬ᯲ ᯅᯬᯀᯅᯬᯀ ᯂᯒᯬᯒᯬ ᯉᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯖᯮ ᯂᯮᯖ ᯑᯬᯞᯄ᯦ᯬ᯲ ᯇᯒ᯲ᯎᯒᯮᯖᯉ᯲

Jadi marlojong ma Raja Parbaliung tu bagasna martabuni, dang barani ibana mamereng bohi ni Raja Sohuturon Dolak dohot bohi ni si Aji Panungkunan. Nunga sai antairiron ibana. ᯐᯑᯪ ᯔᯒ᯲ᯞᯬᯐᯰᯬ ᯔ ᯒᯐ ᯇᯒ᯲ᯅᯞᯪᯀᯮᯰ ᯖᯮ ᯅᯎᯘ᯲ᯉ ᯔᯒ᯲ᯖᯅᯮᯉᯪ ᯑᯰ ᯅᯒᯉᯪ ᯤᯅᯉ ᯔᯔᯩᯒᯰᯩ ᯅᯬᯂᯪ ᯉᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯑᯬᯂᯖᯬ᯲ ᯅᯬᯂᯪ ᯉᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯉᯮᯝ ᯘᯤ ᯀᯉ᯲ᯖᯤᯒᯪᯒᯉᯬ᯲ ᯤᯅᯉ

Dung i ruar ma ina ni si Aji Panungkunan sian bagas, diida ma tutu anakna i, dung i dihaol ma. ᯑᯮᯰ ᯤ ᯒᯮᯀᯒ᯲ ᯔ ᯤᯉ ᯉᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯘᯪᯀᯉ᯲ ᯅᯎᯘ᯲ ᯑᯪᯤᯑ ᯔ ᯖᯮᯖᯮ ᯀᯉᯄ᯦᯲ᯉ ᯤ ᯑᯮᯰ ᯤ ᯑᯪᯂᯀᯞᯬ᯲ ᯔ

Horas do ho hape amang, anak hasian, tampuk ni pusupusungku, sisampisik! ninna. ᯂᯬᯒᯘ᯲ ᯑᯬ ᯂᯬ ᯂᯇᯩ ᯀᯔᯰ ᯀᯉᯄ᯦᯲ ᯂᯘᯪᯀᯉ᯲ ᯖᯔ᯲ᯇᯄ᯦ᯮ᯲ ᯉᯪ ᯇᯮᯘᯮᯇᯮᯘᯮᯰᯄ᯦ᯮ ᯘᯪᯘᯔ᯲ᯇᯪᯘᯂ᯦ᯪ᯲ ᯉᯉᯪ᯲ᯉ

Sai maraburan ma iluna, ala las ni rohana. ᯘᯤ ᯔᯒᯅᯮᯒᯉ᯲ ᯔ ᯤᯞᯮᯉ ᯀᯞ ᯞᯘ᯲ ᯉᯪ ᯒᯬᯂᯉ

Olo ba inang, horas do ahu ! Pir ma tondi ni dainang, nunga sahat ahu tu hutanta on! ninna si Aji Panungkunan. ᯀᯬᯞᯬ ᯅ ᯤᯉᯰ ᯂᯬᯒᯘ᯲ ᯑᯬ ᯀᯂᯮ ᯇᯒᯪ᯲ ᯔ ᯖᯉᯬ᯲ᯑᯔᯪ᯲ ᯑ ᯤᯉᯰ ᯉᯮᯝ ᯘᯂᯖ᯲ ᯀᯂᯮ ᯖᯮ ᯂᯮᯖᯉ᯲ᯖ ᯀᯉᯬ᯲ ᯉᯉᯪ᯲ᯉ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Dung i marpungu ma tu sopo sudena, Raja Sohuturon Dolak dohot ulubalangna dohot datuna dohot si Aji Panungkunan dohot angka na tumua sian paranganna; rap dohot ulubalang Partahan Soaloon dohot si Paralamat dohot angka natuatua ni huta sudena. ᯑᯮᯰ ᯤ ᯔᯒ᯲ᯇᯮᯝᯮ ᯔ ᯖᯮ ᯘᯬᯇᯬ ᯘᯮᯑᯩᯉ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯑᯬᯂᯖᯬ᯲ ᯥᯞᯮᯅᯞᯰᯉ ᯑᯬᯂᯖᯬ᯲ ᯑᯖᯮᯉ ᯑᯬᯂᯖᯬ᯲ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯑᯬᯂᯖᯬ᯲ ᯀᯰᯄ᯦ ᯉ ᯖᯮᯔᯮᯀ ᯘᯪᯀᯉ᯲ ᯇᯒᯝᯉ᯲ᯉ ᯒᯇ᯲ ᯑᯬᯂᯖᯬ᯲ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯑᯬᯂᯖᯬ᯲ ᯘᯪ ᯇᯒᯞᯔᯖ᯲ ᯑᯬᯂᯖᯬ᯲ ᯀᯰᯄ᯦ ᯉᯖᯮᯀᯖᯮᯀ ᯉᯪ ᯂᯮᯖ ᯘᯮᯑᯩᯉ

Dia ma umbahen na ro hamu tu hutanami on, rap dohot angka paranganmuna, jala aha ma na niulamuna tuson, ale Raja Sohuturon Dolak? ninna ulubalang Partahan Soaloon manungkun na ro i ᯑᯪᯀ ᯔ ᯀᯔᯮ᯲ᯅᯂᯉᯩ᯲ ᯉ ᯒᯬ ᯂᯔᯮ ᯖᯮ ᯂᯮᯖᯉᯔᯪ ᯀᯉᯬ᯲ ᯒᯇ᯲ ᯑᯬᯂᯖᯬ᯲ ᯀᯰᯄ᯦ ᯇᯒᯝᯉ᯲ᯔᯮᯉ ᯐᯞ ᯀᯂ ᯔ ᯉ ᯉᯪᯥᯞᯂᯉᯬ᯲ᯔᯮᯉ ᯖᯮᯘᯉᯬ᯲ ᯀᯞᯩ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯉᯉᯪ᯲ᯉ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯔᯉᯮᯰᯄ᯦ᯉᯮ᯲ ᯉ ᯒᯬ ᯤ

Olo ba ulubalang Partahan Soaloon! ᯀᯬᯞᯬ ᯅ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲

Ia umbahen na ro hami, na naeng martubol ma hami antong, ai na so uhum do na binahen ni Raja Parbaliung tu si Aji Panungkunan. ᯤᯀ ᯀᯔᯮ᯲ᯅᯂᯉᯩ᯲ ᯉ ᯒᯬ ᯂᯔᯪ ᯉ ᯉᯀᯰᯩ ᯔᯒ᯲ᯖᯮᯅᯞᯬ᯲ ᯔ ᯂᯔᯪ ᯀᯉ᯲ᯖᯰᯬ ᯀᯤ ᯉ ᯘᯬ ᯥᯂᯔᯮ᯲ ᯉ ᯅᯪᯉᯂᯉᯩ᯲ ᯉᯪ ᯒᯐ ᯇᯒ᯲ᯅᯞᯪᯀᯮᯰ ᯖᯮ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Naro do ibana maporus tu hutanami, Lobu Namaduma, jala ondihononnami ma ibana!
ninna Raja Sohuturon Dolok. ᯉᯒᯬᯑᯬ ᯤᯅᯉ ᯔᯇᯬᯒᯘᯮ᯲ ᯖᯮ ᯂᯮᯖᯉᯔᯪ ᯞᯬᯉᯮ ᯉᯔᯑᯮᯔ ᯐᯞ ᯀᯉᯬ᯲ᯑᯪᯂᯬᯉᯉᯬ᯲ᯉᯔᯪ ᯔ ᯤᯅᯉ ᯉᯉᯪ᯲ᯉ ᯒᯐ ᯘᯬᯂᯮᯖᯮᯝᯉᯬ᯲ ᯑᯬᯞᯄ᯦ᯬ᯲

Ba molo songon i do, ba nunga diida raja i! Dada dohot hami pangisi ni huta on mambahen na so uhum tu si Aji Panungkunan. ᯅ ᯔᯬᯞᯬ ᯘᯬᯝᯉᯬ᯲ ᯤ ᯑᯬ ᯅ ᯉᯮᯝ ᯑᯪᯤᯑ ᯒᯐ ᯤ ᯑᯑ ᯑᯬᯂᯖᯬ᯲ ᯂᯔᯪ ᯇᯝᯪ᯦ᯘᯪ ᯉᯪ ᯂᯮᯖᯀᯉᯬ᯲ ᯔᯔ᯲ᯅᯂᯉᯩ᯲ ᯉ ᯘᯬ ᯥᯂᯔᯮ᯲ ᯖᯮ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

I ma alana, ale rajanami, dang adong sian hami na olo maniop sinjata, ai dongannami do tutu anggo si Aji Panungkunan on! ninna ulubalang Partahan Soaloon. ᯤ ᯔ ᯘᯞᯉ ᯘᯞᯩ ᯒᯐᯉᯔᯪ ᯑᯰ ᯀᯑᯰᯬ ᯘᯪᯀᯉ᯲ ᯂᯔᯪ ᯉ ᯀᯬᯞᯬ ᯔᯉᯪᯀᯇᯬ᯲ ᯘᯉᯪ᯲ᯐᯖ ᯀᯤ ᯑᯬᯝᯉ᯲ᯉᯔᯪ ᯑᯬ ᯖᯮᯖᯮ ᯀᯰᯎᯬ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯀᯉᯬ᯲ ᯉᯉᯪ᯲ᯉ ᯥᯞᯮᯅᯞᯰ ᯇᯒ᯲ᯖᯐᯉ᯲ ᯘᯬᯀᯞᯬᯀᯉᯬ᯲

Nunga tutu huida hami, na sintong do hatami. ᯉᯮᯑ ᯖᯮᯖᯮ ᯂᯮᯤᯑ ᯂᯔᯪ ᯉ ᯘᯉᯪ᯲ᯖᯰᯬ ᯑᯬ ᯂᯖᯔᯪ

Ba nuaeng pe, dia ma uhuman sidabuon tu Raja Parbaliung? ninna Raja Sohuturon Dolak. ᯅ ᯉᯮᯀᯀᯰᯩ ᯇᯩ ᯑᯪᯀ ᯔ ᯥᯂᯮᯔᯉ᯲ ᯘᯪᯑᯅᯮᯘᯉᯬ᯲ ᯖᯮ ᯒᯐ ᯇᯒ᯲ᯅᯞᯪᯀᯮᯰ ᯉᯉᯪ᯲ᯉ ᯒᯐ ᯘᯬᯂᯮᯖᯮᯒᯉᯬ

 ᯑᯬᯞᯄ᯦ᯬ᯲

Jadi tarbege ma na mandok, Marutang hosa ma ibana! ᯐᯑᯪ ᯖᯒ᯲ᯅᯩᯎᯩ ᯔ ᯉ ᯔᯉ᯲ᯑᯄ᯦ᯬ᯲ ᯔᯒᯮᯖᯰ ᯂᯬᯘ ᯔ ᯤᯅᯉ

Marutang hosa ma tutu! ninna angka parangan ni Raja Sohu turon Dolak, ala ni mohop ni ate-atena be. ᯔᯒᯮᯖᯰ ᯂᯬᯘ ᯔ ᯖᯮᯖᯮ ᯉᯉᯪ᯲ᯉ ᯀᯰᯄ᯦ ᯇᯒᯝᯉ᯲ ᯉᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯀᯞ ᯉᯪ ᯔᯬᯂᯇᯬ᯲ ᯉᯪ ᯀᯖᯩᯀᯖᯩᯉ ᯅᯩ

Anggo bagas ni Raja Parbaliung nunga sai dijaga humaliang. ᯀᯰᯎᯬ ᯅᯎᯘ᯲ ᯉᯪ ᯒᯐ ᯇᯒ᯲ᯅᯞᯪᯀᯮᯰ ᯉᯮᯝ ᯘᯤ ᯑᯪᯐᯎ ᯂᯮᯔᯞᯪᯀᯰ

Anggo siat pangidoan ale rajanami, Raja Sahuturon Dolak, ba tajou ma Datu Bolon Paniop Pagar, asa dohot tu harungguan on. ᯀᯰᯎᯬ ᯘᯪᯀᯖ᯲ ᯇᯝᯪᯑᯬᯀᯉ᯲ ᯀᯞᯩ ᯒᯐᯉᯔᯪ ᯒᯐ ᯘᯬ ᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯅ ᯖᯐᯬᯥ ᯔ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲ ᯀᯘ ᯑᯬᯂᯖᯬ᯲ ᯂᯒᯮᯰᯎᯮᯀᯉ᯲ ᯀᯉᯬ᯲

Ai Datu Bolon i ma na umboto bingkas ni na so uhum on, binahen ni Raja Parbaliung tu si Aji Panungkunan! ninna ulubalang Partahan Soaloon. ᯀᯤ ᯑᯖᯮ ᯅᯬᯞᯉᯬ᯲ ᯤ ᯔ ᯉ ᯀᯔᯮ᯲ᯅᯬᯖᯬ ᯅᯰᯪᯄ᯦ᯘ᯲ ᯉᯪ ᯉ ᯘᯬ ᯥᯂᯔᯮ᯲ ᯀᯉᯬ᯲ ᯅᯪᯉᯂᯉᯩ᯲ ᯉᯪ ᯒᯐ ᯇᯒ᯲ᯅᯞᯪᯀᯮᯰ ᯖᯮ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯉᯉᯪ᯲ᯉ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲

Dung i dialap ma tutu Datu Bolon Paniop Pagar tu Lobu Parholean, jala dung sahat Datu Bolon i dibahen ma muse harungguan.ᯑᯮᯰ ᯤ ᯑᯪᯀᯞᯇ᯲ ᯔ ᯖᯮᯖᯮ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲ ᯖᯮ ᯞᯬᯅᯮ ᯇᯒ᯲ᯂᯬᯞᯩᯀᯉ᯲ ᯐᯞ ᯑᯮᯰ ᯘᯂᯖ᯲ ᯑᯖᯮ ᯅᯬᯞᯉᯬ᯲ ᯤ ᯑᯪᯅᯂᯉᯩ᯲ ᯔ ᯔᯮᯘᯩ ᯂᯒᯮᯰᯎᯮᯀᯉ᯲

Jadi manungkun ma Datu Bolon Paniop Pagar, Dia ma ale rajanami, Raja Sohuturon Dolak dohot hamu angka amang, umbahen na disuru harnu mangalap ahu? ᯐᯑᯪ ᯔᯉᯮᯰᯄ᯦ᯉᯮ᯲ ᯔ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲ ᯑᯪᯀ ᯔ ᯀᯞᯩ ᯒᯐᯉᯔᯪ ᯒᯐ ᯘᯞᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯑᯬᯂᯖᯬ᯲ ᯂᯔᯮ ᯀᯰᯄ᯦ ᯀᯔᯰ ᯀᯔᯮ᯲ᯅᯂᯉᯩ᯲? ᯑᯪᯘᯮᯒᯮ ᯂᯔᯮ ᯔᯝᯞᯇ᯲ ᯀᯂᯮ

Dung i didok ulubalang Partahan Soaloon ma, Umbahen na jinou ho ompung, Datu Bolon, ala na ro do dison Raja Sohuturon Dolak. ᯑᯮᯰ ᯤ ᯑᯪᯑᯄ᯦ᯬ᯲ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯔ ᯀᯔᯮ᯲ᯅᯂᯉᯩ᯲ ᯉ ᯐᯪᯉᯬᯥ ᯂᯬ ᯀᯔᯬ᯲ᯇᯮᯰ ᯑᯖᯮ ᯅᯬᯞᯉᯬ᯲ ᯀᯞ ᯉ ᯒᯬ ᯑᯬ ᯑᯪᯘᯉᯬ᯲ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲

Nunga maporus anggo Raja Parbaliung tu jabuna, ai diulahon na so uhum. ᯉᯮᯝ ᯔᯇᯬᯒᯘᯮ᯲ ᯀᯰᯎᯬ ᯒᯐ ᯇᯒ᯲ᯅᯞᯪᯀᯮᯰ ᯖᯮ ᯐᯅᯮᯉ ᯀᯤ ᯑᯪᯥᯞᯂᯉᯬ᯲ ᯉ 

Naeng dibodil si Aji Panungkunan, uju marburu hami, gabe maporus ma ibana tu Lobu Namaduma, laho mangalu-aluhon tu Raja Sohuturon Dolak. ᯉᯀᯰᯩ ᯑᯪᯅᯬᯑᯞᯪ᯲ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯥᯐᯮ ᯔᯒ᯲ᯅᯮᯒᯮ ᯂᯔᯪ ᯎᯅᯩ ᯔᯇᯬᯒᯘᯮ᯲ ᯔ ᯤᯅᯉ ᯖᯮ ᯞᯬᯅᯮ ᯉᯔᯑᯮᯔ ᯞᯂᯬ ᯔᯝᯞᯮᯂᯉᯬ᯲ ᯖᯮ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲

Ba ho ma ompung na paandarhon, dia alana umbahen songon i Jahat tahi ni Raja Parbaliung maradophon si Aji Panungkunan. ᯅ ᯂᯬ ᯔ ᯀᯔᯬ᯲ᯇᯮᯰ ᯉ ᯇᯀᯉ᯲ᯑᯒ᯲ᯂᯉᯬ᯲ ᯑᯪᯀ ᯀᯞᯉ ᯀᯔᯮ᯲ᯅᯂᯉᯩ᯲ ᯘᯬᯝᯉᯬ᯲ ᯤ ᯐᯂᯖ᯲ ᯖᯂᯪ ᯉᯪ ᯒᯐ ᯇᯒ᯲ᯅᯞᯪᯀᯮᯰ ᯔᯒᯑᯇᯬ᯲ᯂᯉᯬ᯲ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Asa didabu harungguan on antong uhum tu ibana! ᯀᯘ ᯑᯪᯑᯅᯮ ᯂᯒᯮᯰᯎᯮᯀᯉ᯲ ᯀᯉᯬ᯲ ᯀᯉ᯲ᯖᯰᯬ ᯥᯂᯔᯮ᯲ ᯖᯮ ᯤᯅᯉ

Jadi didok Datu Bolon Paniop Pagar ma, Ola tutu rajanami, Raja Sohuturon Dolak dohot hamu sude angka amang: ᯐᯑᯪ ᯑᯪᯑᯄ᯦ᯬ᯲ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲ ᯔ ᯀᯬᯞᯬ ᯖᯮᯖᯮ ᯒᯐᯉᯔᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯑᯬᯂᯖᯬ᯲ ᯂᯔᯮ ᯘᯮᯑᯩ ᯀᯰᯄ᯦ ᯀᯔᯰ

Ia si Aji Panungkunan on na tading maetek do, amana hian do raja di huta on. ᯤᯀ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯀᯉᯬ᯲ ᯉ ᯖᯑᯰᯪ ᯔᯀᯩᯖᯄᯩ᯲ ᯑᯬ ᯀᯔᯉ ᯂᯪᯀᯉ᯲ ᯑᯬ ᯒᯐ ᯑᯪ ᯂᯮᯖ ᯀᯉᯬ᯲

Tibu do ibana mate, jadi bangkit ma Raja Parbaliung gabe raja. ᯖᯪᯅᯮ ᯑᯬ ᯤᯅᯉ ᯔᯖᯩ ᯐᯑᯪ ᯅᯰᯄ᯦ᯖᯪ᯲ ᯔ ᯒᯐ ᯇᯒ᯲ᯅᯞᯪᯀᯮᯰ ᯎᯅᯩ ᯒᯐ

Sai satahi do raja on dohot Datu Pamurnas; i ma umbahen barani pulut i bana mangantuk si Aji Panungkunan di tombak i, jala diihot disi. ᯘᯤ ᯘᯖᯂᯪ ᯑᯬ ᯒᯐ ᯀᯉᯬ᯲ ᯑᯬᯂᯖᯬ᯲ ᯑᯖᯮ ᯇᯔᯒᯮ᯲ᯉᯘ᯲ ᯤ ᯔ ᯀᯔᯮ᯲ᯅᯂᯉᯩ᯲ ᯅᯒᯉᯪ ᯇᯮᯞᯖᯮ᯲ ᯤᯅᯉ ᯔᯝᯉ᯲ᯖᯄ᯦ᯮ᯲ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯑᯪ ᯖᯔᯬ᯲ᯅᯄ᯦᯲ ᯤ ᯐᯞ ᯑᯪᯤᯂᯖᯬ᯲ ᯑᯪᯘᯪ

Ditagam rohana ingkon mate ma i bana di harangan pasihotangan i, hape dang mate. ᯑᯪᯖᯎᯔ᯲ ᯒᯬᯂᯉ ᯀᯰᯪᯄ᯦ᯉᯬ᯲ ᯔᯖᯩ ᯔ ᯤᯅᯉ ᯑᯪ ᯂᯒᯝᯉ᯲ ᯤ ᯂᯇᯩ ᯑᯰ ᯔᯖᯩ

Nunga hubege sian angka suruanmuna na mangalap ahu taringot tu na so uhum binahen ni Raja Parbaliung, naeng bodilonna si Aji Panungkunan. ᯉᯮᯝ ᯂᯮᯅᯩᯎᯩ ᯘᯪᯀᯉ᯲ ᯀᯰ᯦ᯄ᯦ ᯘᯮᯒᯮᯀᯉ᯲ᯔᯮᯉ ᯉ ᯔᯝᯞᯇ᯲ ᯀᯂᯮ ᯖᯒᯪᯝᯖᯬ᯲ ᯖᯮ ᯉ ᯘᯬ ᯥᯂᯔᯮ᯲ ᯅᯪᯉᯂᯉᯩ᯲ ᯉᯪ ᯒᯐ ᯇᯒ᯲ᯅᯞᯪᯀᯮᯰ ᯉᯀᯰᯩ ᯅᯬᯑᯪᯞᯉᯬ᯲ᯉ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲

Didok rohana nunga hona jala mate, hape mangolu do. ᯑᯪᯑᯄ᯦ᯬ᯲ ᯒᯬᯂᯉ ᯉᯮᯝ ᯂᯬᯉ ᯐᯞ ᯔᯖᯩ ᯂᯇᯩ ᯔᯝᯬᯞᯮ ᯑᯬ

Dung diida Raja Parbaliung nunga tang jala matoras daging ni si Aji Panungkunan, lam mabiar ma ibana, atik rampason harajaon i sian ibana. ᯑᯮᯰ ᯑᯪᯤᯑ ᯒᯐ ᯇᯒ᯲ᯅᯞᯪᯀᯮᯰ ᯉᯮᯝ ᯖᯰ ᯐᯞ ᯲᯲ᯖᯬᯒᯘ᯲ ᯑᯎᯰᯪ ᯉᯪ ᯘᯪ ᯀᯐᯪ ᯇᯉᯮᯰᯄᯮᯉᯉ᯲ ᯞᯔ᯲ ᯔᯅᯪᯀᯒ᯲ ᯔ ᯤᯅᯉ ᯀᯖᯄ᯦ᯪ᯲ ᯒᯔ᯲ᯇᯘᯉᯬ᯲ ᯂᯒᯐᯀᯉᯬ᯲ ᯤ ᯘᯪᯀᯉ᯲ ᯤᯅᯉ

I ma da ale rajanami, Raja Sohuturon Dolok, umbahen na diulahon na so uhum, naeng dibodil si Aji Panungkunan, unang adong be alona, didok rohana! ᯤ ᯔ ᯑ ᯀᯞᯩ ᯒᯐᯉᯔᯪ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯀᯔᯮ᯲ᯅᯂᯉᯩ᯲ ᯉ ᯑᯪᯥᯞᯂᯉᯬ᯲ ᯔ ᯘᯬ ᯥᯂᯔᯮ᯲ ᯉᯀᯰᯩ ᯑᯬᯅᯬᯑᯞᯪ᯲ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯥᯉᯰ ᯀᯑᯰᯬ ᯅᯩ ᯀᯞᯬᯉ ᯑᯪᯑᯄ᯦ᯞ᯲ ᯒᯬᯂᯉ

I ma didok Datu Bolon i di tongatonga ni harungguan i. ᯤ ᯔ ᯑᯪᯑᯄ᯦ᯬ᯲ ᯑᯖᯮ ᯅᯬᯞᯉᯬ᯲ ᯤ ᯑᯪ ᯖᯬᯝᯖᯬᯝ ᯉᯪ ᯂᯒᯮᯰᯎᯮᯀᯉ᯲ ᯤ

Mangkuling silonging ma satongkin di punguan i; dung i didok Raja Sohuturon Dolok ma, Dia ma uhum tu Raja Parbaliung didok roham, ale Datu Bolon Paniop Pagar? ᯔᯰᯄ᯦ᯮᯞᯰᯪ ᯘᯪᯞᯬᯝᯰᯪ ᯔ ᯘᯖᯰᯬᯄ᯦ᯉᯪ᯲ ᯑᯪ ᯇᯮᯝᯮᯀᯉ᯲ ᯤ ᯑᯮᯰ ᯤ ᯑᯪᯑᯄ᯦ᯬ᯲ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯔ ᯑᯪᯀ ᯔ ᯥᯂᯔᯮ᯲ ᯖᯮ ᯒᯐ ᯇᯒ᯲ᯅᯞᯪᯀᯮᯰ ᯑᯪᯑᯄ᯦ᯬ᯲ ᯒᯬᯂᯔ᯲ ᯀᯞᯩ ᯑᯖᯮ ᯅᯬᯞᯉᯬ᯲ ᯇᯉᯪᯀᯇᯬ᯲ ᯇᯎᯒ᯲

Olo ba rajanami, anggo taringot tusi, dada ahu be nian sungkunon. Harungguan on nama manimbangisa. ᯀᯬᯞᯬ ᯅ ᯒᯐᯉᯔᯪ ᯀᯰᯎᯬ ᯖᯒᯪᯝᯖᯬ᯲ ᯖᯮ ᯘᯪ ᯑᯑ ᯀᯂᯮ ᯅᯩ ᯉᯪᯀᯉ᯲ ᯘᯮᯰᯄ᯦ᯮᯉᯉᯬ᯲ ᯂᯒᯮᯰᯎᯮᯀᯉ᯲ ᯀᯉᯬ ᯉᯔ ᯔᯉᯔᯪ᯲ᯅᯝᯪᯘ

Alai molo ingkon alusanku do sungkun-sungkun ni raja i, ba on ma dohononku. ᯀᯞᯤ ᯔᯬᯞᯬ ᯀᯰᯪᯄ᯦ᯉᯬ᯲ ᯀᯞᯮᯘᯉ᯲ᯄ᯦ᯮ ᯑᯬ ᯦᯦ᯘᯮᯰᯄ᯦ᯉᯮ᯲ᯘᯮᯰᯄ᯦ᯉᯮ᯲ ᯉᯪ ᯒᯐ ᯤ ᯅ ᯀᯉᯬ᯲ ᯔ ᯑᯬᯂᯬᯉᯉᯬ᯲ᯄ᯦ᯮ

Diulahon Datu Pamurnas do na so uhum; ndang jolma manguhum i bana, alai mate do i bana, mate tungkap. ᯑᯪᯥᯞᯂᯉᯬ᯲ ᯑᯖᯮ ᯇᯔᯒᯮ᯲ᯉᯘ᯲ ᯑᯬ ᯉ ᯘᯬ ᯥᯂᯔᯮ᯲ ᯉ᯲ᯑᯰ ᯐᯞᯬ᯲ᯔ ᯔᯝᯮᯂᯔᯮ? ᯤᯅᯉ ᯀᯞᯤ ᯔᯖᯩ ᯑᯬ ᯤᯅᯉ ᯔᯖᯩ ᯖᯮᯰᯂᯇ᯲

Mata do tutu abul ni mata, ba hosa abul ni hosa?. ᯔᯖ ᯑᯬ ᯖᯮᯖᯮ ᯀᯅᯞᯮ᯲ ᯉᯪ ᯔᯖ ᯅ ᯂᯬᯘ ᯀᯅᯞᯮ᯲ ᯉᯪ ᯂᯬᯘ

Alai ala so mahua do si Aji Panungkunan, ala diondihon Na Martua Debata, ninna rohangku, unang pola bunu hamu Raja Parbaliung. ᯀᯞᯤ ᯀᯞ ᯘᯬ ᯔᯂᯮᯀ ᯑᯬ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯀᯞ ᯑᯪᯀᯉᯬ᯲ᯑᯪᯂᯉᯬ᯲ ᯉ ᯔᯒ᯲ᯖᯮᯀ ᯑᯩᯅᯖ ᯉᯉᯪ᯲ᯉ ᯒᯬᯂᯰᯄ᯦ᯮ ᯥᯉᯰ ᯇᯬᯞ ᯅᯮᯉᯮ ᯂᯔᯮ ᯒᯐ ᯇᯒ᯲ᯅᯞᯪᯀᯮᯰ

Uhumon ni Na Martua Debata do ibana. ᯥᯂᯮᯔᯉᯬ᯲ ᯉᯪ ᯉ ᯔᯒ᯲ᯖᯮᯀ ᯑᯩᯅᯖ ᯑᯬ ᯤᯅᯉ

Unang adong dohonon ni halak muse, ale rajanami, na dibunu ho do Raja Pabaliung laho pabangkithon si Aji Panungkunan gabe raja. ᯥᯉᯰ ᯀᯑᯰᯬ ᯑᯬᯂᯬᯉᯉᯬ᯲ ᯉᯪ ᯂᯞᯄ᯦᯲ ᯔᯮᯘᯩ ᯀᯞᯩ ᯒᯐᯉᯔᯪ ᯉ ᯑᯪ ᯅᯮᯉᯮ ᯂᯬ ᯑᯬ ᯒᯐ ᯇᯒ᯲ᯅᯞᯪᯀᯮᯰ ᯞᯂᯬ ᯇᯅᯰᯄ᯦ᯖᯪ᯲ᯂᯉᯬ᯲ ᯘᯪ ᯀᯐᯪ ᯇᯉᯮᯰᯄᯪᯉᯉ᯲ ᯎᯅᯩ ᯒᯐ

Nunga songon i pangondihon ni Na Martua Debata di si Aji Panungkunan, ba unang pola marlapu-lapu mudar tanganmuna laho margondang, marlas ni roha pabangkit raja. ᯉᯮᯝ ᯘᯬᯝᯉᯬ᯲ ᯤ ᯇᯝᯉᯬ᯲ᯑᯪᯂᯉᯬ᯲ ᯉᯪ ᯉ ᯔᯒ᯲ᯖᯮᯘ ᯑᯩᯅᯖ ᯑᯪ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯅ ᯥᯉᯰ ᯇᯬᯞ ᯔᯒ᯲ᯞᯇᯮᯞᯇᯮ ᯔᯮᯑᯒ᯲ ᯖᯝᯉ᯲ᯔᯮᯉ ᯞᯂᯬ ᯔᯝᯒᯬ᯲ᯑᯰ ᯔᯒ᯲ᯞᯘ᯲ ᯉᯪ ᯒᯬᯂ ᯇᯅᯰᯄᯖᯪ᯲ ᯒᯐ

Suru hamu ma Raja Parbaliung ruar sian huta on, maporus ma ibana dao sian huta on, asa dilului ingananna. ᯘᯮᯒᯮ ᯂᯔᯮ ᯔ ᯒᯐ ᯇᯒ᯲ᯅᯞᯪᯀᯮᯰ ᯒᯮᯀᯒ᯲ ᯘᯪᯀᯉ᯲ ᯂᯮᯖ ᯀᯉᯬ᯲ ᯔᯇᯬᯒᯘᯮ᯲ ᯲ ᯤᯅᯉ ᯑᯀᯬ ᯘᯪᯀᯉ᯲ ᯂᯮᯖ ᯀᯉᯬ᯲ ᯀᯘ ᯑᯪᯞᯮᯞᯮᯤ ᯤᯝᯉᯉ᯲ᯉ

Na Martua Debata ma nang na mandabu uhum tu ibana! I ma didok Datu Bolon i tu sude na pungu i. ᯉ ᯔᯒ᯲ᯖᯮᯀ ᯑᯩᯅᯖ ᯔ ᯉᯰ ᯉ ᯔᯉ᯲ᯑᯅᯮ ᯥᯂᯔᯮ᯲ ᯖᯮ ᯤᯅᯉ ᯤ ᯔ ᯑᯪᯑᯄ᯦ᯬ᯲ ᯑᯖᯮ ᯅᯬᯞᯉᯬ᯲ ᯤ ᯖᯮ ᯘᯮᯑᯩ ᯉ ᯇᯮᯝᯮ ᯤ

Beha ia pandokmu ale ulubalang Partahan Soaloon dohot sude pangisi ni huta on? ninna Raja Sohuturon Dolok manungkun angka na pungu i. ᯅᯩᯂ ᯤᯀ ᯇᯉ᯲ᯑᯄ᯦ᯬ᯲ᯔᯮ ᯀᯞᯩ ᯥᯞᯮᯅᯞᯰ ᯇᯒ᯲ᯖᯂᯉ᯲ ᯘᯬᯀᯞᯬᯀᯉᯬ᯲ ᯑᯬᯂᯖᯬ᯲ ᯘᯮᯑᯩ ᯇᯝᯪᯘᯪ ᯉᯪ ᯂᯮᯖ ᯀᯉᯬ᯲ ᯉᯉᯪ᯲ᯉ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲ ᯔᯉᯮᯰᯄ᯦ᯉᯮ᯲ ᯀᯰᯄ᯦ ᯉ ᯇᯮᯝᯮ ᯤ

Olo tutu rajanami, arga do hata ni Datu Bolon i. Ba na uli ma i dohononnami. ᯀᯬᯞᯬ ᯖᯮᯖᯮ ᯒᯐᯉᯔᯪ ᯀᯒ᯲ᯎ ᯑᯬ ᯂᯖ ᯉᯪ ᯑᯖᯮ ᯅᯬᯞᯉᯬ᯲ ᯤ ᯅ ᯉ ᯥᯞᯪ ᯔ ᯤ ᯑᯬᯂᯬᯉᯉᯬᯉᯔᯪ

Unang marlapu-lapu mudar tangannami, laho pabangkithon si Aji Panungkunan gabe raja! ninna ulubalang i. ᯥᯉᯰ ᯔᯒ᯲ᯞᯇᯮᯞᯇᯮ ᯔᯮᯑᯒ᯲ ᯖᯝᯉ᯲ᯉᯔᯪ ᯞᯂᯬ ᯇᯅᯰᯄ᯦ᯖᯪ᯲ᯂᯉᯬ᯲ ᯘᯪ ᯀᯐᯪ ᯇᯉᯮᯰᯄ᯦ᯮᯉᯉ᯲ ᯎᯅᯩ ᯒᯐ ᯉᯉᯪ᯲ᯉ ᯥᯞᯮᯅᯞᯰ ᯤ

Nunga na uli i tutu, nidok ni ulubalang i! ninna pangisi ni huta i. ᯉᯮᯝ ᯉ ᯥᯞᯪ ᯖᯮᯖᯮ ᯉᯪᯑᯄ᯦ᯬ᯲ ᯉᯪ ᯥᯞᯮᯅᯞᯰ ᯤ ᯉᯉᯪ᯲ᯉ ᯇᯝᯪᯘᯪ ᯉᯪ ᯂᯮᯖ ᯤ

Molo songon i ma didok hamu, ba dang sai aloonnami hamu ; dang sai pangidoonnami, asa marutang hosa Raja Parbaliung! ᯔᯬᯞᯬ ᯘᯬᯝᯉᯬ᯲ ᯤ ᯔ ᯑᯪᯑᯄ᯦ᯬ᯲ ᯂᯔᯮ ᯅ ᯑᯰ ᯘᯤ ᯀᯞᯬᯀᯉᯬ᯲ᯉᯔᯪ ᯂᯔᯮ ᯑᯰ ᯘᯤ ᯇᯝᯪᯑᯬᯀᯉᯬ᯲ᯉᯔᯪ ᯀᯘ ᯔᯒᯮᯖᯰ ᯂᯬᯘ ᯒᯐ ᯇᯒ᯲ᯅᯞᯪᯀᯮᯰ

Ba satolop ma hita di hata ni Datu Bolon i dohot ulubalangmuna on! ninna Raja Sohuturon Dolok. ᯅ ᯘᯖᯬᯞᯇᯬ᯲ ᯔ ᯂᯪᯖ ᯑᯪ ᯂᯖ ᯉᯪ ᯑᯖᯮ ᯅᯬᯞᯉᯬ᯲ ᯤ ᯑᯬᯂᯖᯬ᯲ ᯥᯞᯮᯅᯞᯰᯔᯮᯉ ᯀᯉᯬ᯲ ᯉᯉᯪ᯲ᯉ ᯒᯐ ᯘᯬᯂᯮᯖᯮᯒᯉᯬ᯲ ᯑᯬᯞᯄ᯦ᯬ᯲

Dung i dipalao ma Raja Parbaliung dohot nasida na saripe sian huta i; maporus ma nasida dompak hasundutan, laho mangalului ingananna. ᯑᯮᯰ ᯤ ᯑᯪᯇᯞᯀᯬ ᯔ ᯒᯐ ᯇᯒ᯲ᯅᯞᯪᯀᯮᯰ ᯑᯬᯂᯖᯬ᯲ ᯉᯘᯪᯑ ᯉ ᯘᯒᯪᯇᯩ ᯑᯪᯀᯉ᯲ ᯂᯮᯖ ᯤ ᯔᯇᯬᯒᯘᯮ᯲ ᯔ ᯉᯘᯪᯑ ᯑᯔᯬ᯲ᯇᯄ᯦᯲ ᯂᯘᯉᯮ᯲ᯑᯮᯖᯉ᯲ ᯞᯂᯬ ᯔᯝᯞᯮᯞᯮᯤ ᯤᯝᯉᯉ᯲ᯉ